Теңіз капустасы

Уикипедия — ашық энциклопедиясынан алынған мәлімет
Jump to navigation Jump to search
Теңіз капустасы

Теңіз капустасы — Тынық, Охот, Ақ және Баренц теңіздерінде болатын қоңыр түсті теңіз балдырлары. Теңіз капустасының құрамында углевод, органикалық қышқылдар, минералдық заттар және әр түрлі витаминдер (А, С және В тобындағылар) болады. Кулинарияда (әсіресе жапон және қытай кулинариясында) ол күрішке, ет және балық тағам дарына, салаттар және овощтан жасалған сорпаларға тұздық ретінде пайдаланылады. Саудаға консерві, қатырылған немесе кептірілген күйде түседі. Кептірілген теңіз капустасын механикалық қоспалардан "тазарту және суық суға 10—12 сағат салып қойып (1 кг капустаға 7—8 л су), одан кейін тазалап жуу керек. Мұздатылған капустаны суық суда жібітіп алып жуған дұрыс. Капустаны былайша қайнатады: суық су құяды да, отты қатты жағып, қайнағанша ұстап 15—20 минут пісіреді. Қайнаған суды сүзіп тастап, капустаға қайтадан жылы су құйып қайнатып (40— 50оС), тағы да 15—20 минут пісіру керек. Суды тағы да ауыстырып, үшінші рет пісіру керек, содан кейін қайнаған суды төгіп тастады. Үш рет қайнату капустаның дәмін айтарлықтай жақсартады.[1]

Дереккөздер[өңдеу]

  1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9

Ламинария