Тимирязев атындағы көшесі (Алматы)

Уикипедия — ашық энциклопедиясынан алынған мәлімет
(Тимирязев атындағы көше (Алматы) бетінен бағытталған)
Мұнда ауысу: шарлау, іздеу
Климент Аркадьевич Тимирязев.jpg

Тимирязев атындағы көше. Көшеге аса көрнекті ғалым, ойшыл, жаратылыстануда материалистік идеялардың салтанат құруы жолындағы күрескер, педагог Климент Аркадьевич Тимирязевтің есімі (1956 жылы) беріл- ген. Тимирязев Климент Аркадьевич (1843-1920) Санкт-Петербургте дүниеге келген. Тимирязевтің Дарвин ілімін баяндаған «Чарльз Дарвин және оның ілімі» атты алғашқы танымал кітабы осы уақытқа дейін өз маңызын жойған жоқ, ал «өсімдіктер өмірі» атты кітабы 20 реттен аса қайта басылып шыққан. Оның есімі Мәскеу Мемлекеттік ауыл шаруашылық академиясына берілген. Көше бойында әл-Фараби атындағы Қазақ Ұлттық университетінің қалашығы, Көктем шағынауданы, ҚР Ғылым академиясның Бас ботаника бағы, «Атакент» көрмесі, «Бақыт» Неке сарайы, т.б. мекемелер орналасқан. Көшенің Есентай өзенімен қиылысатын тұсында сквер жасалған. Көше Бостандық ауданында орналасқан. Көше Желтоқсан көшесінен басталып, Жандосов көшесіне жалғасады. Фурманов, Наурызбай батыр, Байтұрсынов, Марков, Манас, Әуезов, Жароков, Айманов, Розыбакиев көшелері, Сейфуллин, Гагарин даңғылдарымен қиылысады. Көшенін ұзындығы - 4550 метр.[1]

Дереккөздер[өңдеу]

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0