Тоби Алдервейрелд

Уикипедия — ашық энциклопедиясынан алынған мәлімет
Jump to navigation Jump to search
Тоби АлдервейрелдФутбол
Alderweireld Belgium National Team vs USA 2013 (cropped).jpg
Жалпы мағлұмат
Толық аты Тобиас Альбертине Мауриц Алдервейрелд (нид. Tobias Albertine Mauritz Alderweireld
Туған күні 2 наурыз 1989(1989-03-02) (30 жас)
Вилрейк, Антверпен, Бельгия
Азаматтығы Бельгия Бельгия
Бойы 186 см
Салмағы 81 кг
Позиция қорғаушы
Клуб жайлы ақпарат
Клуб Англия Тоттенхэм Хотспур
Номері 4
Карьера
Жастар клубы
1994—1999 Бельгия Жерминаль Экерен
1999—2004 Бельгия  Жерминаль Беерсхот
2004—2008 Нидерланд  Аякс
Клуб карьерасы*
2008—2013 Нидерланд Аякс 128 (7)
2013—2015 Испания Атлетико Мадрид 12 (1)
2014—2015 Испания Саутгемптон 26 (1)
2015— қ.д. Англия  Тоттенхэм Хотспур 106 (5)
Ұлттық құрамы**
2004 Бельгия Бельгия U15 3 (1)
2004 Бельгия Бельгия U16 2 (0)
2005—2006 Бельгия Бельгия U17 17 (3)
2006 Бельгия Бельгия U18 3 (0)
2006—2007 Бельгия Бельгия U19 9 (0)
2009—2010 Бельгия Бельгия U21 5 (0)
2009— қ.д. Бельгия Бельгия 84 (3)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады, өңделді 15 мамыр 2016.

** Ресми матчтарда ұлттық құрамда болған ойындары мен голдар саны, өңделді 26 маусым 2016.

Тоби Алдервейрелд (нид. Toby Alderweireld, нидерландша айтылуы [ˈtoːbi ˈɑldərˌweːrəlt]; 1989 жылы 2 наурызда туған, Вилрейк, Антверпен) — бельгиялық футболшы, «Тоттенхэм Хотспур» футбол клубы мен Бельгия құрама командасының орталық қорғаушысы.

Балалық шағы[өңдеу]

Тоби Алдервейрелд Бельгияның Антверпен қаласы, Вилрейк ауданында, 1989 жылы 2 наурызда дүниеге келген. Оның отбасы Экерен теміржол станциясының маңында өмір сүрген[1]. Оның қасында футбол стадионы орналасқан болатын. Алдервейрелдтің сөзінше, футболмен 5 жасынан бастап айналыса бастаған[1]. 1999 жылы «Жерминаль Экерен» клубы атауын «Жерминаль Беерсхот» деп өзгертті. Реформациядан кейін, «Жерминаль Беерсхот» клубы амстердамдық «Аякспен» балалар және жасөспірімдер футболын дамыту мақсатында келісім жасады. «Жерминаль Беерсхот» клубы Ян Вертонгенді, Томас Вермаленді және Том Де Мюлді «Аяксқа» жіберді.

Тобидың ата-анасы ұлдарының футболмен айналысуына қарсы болды, бірақ оның атасы Мауриц Бёйле немересін қолдады[1]. Оның атасы сол кезде «Жерминаль» клубының делегаты еді. Алдервейрелдтің «Аякс» сапында ойнау мүмкіндігі болғанда, ата-анасы оған қарсы шығады[2]. Тобидың Брюссельде полиция инспекторы болып жұмыс істейтін ағасы Стив ата-анасын көндіреді[2].

2004 жылы, 15 жасында Тоби Алдервейрелд Амстердамға көшіп келеді[2]. Сенбі күндері ол жасөспірімдер командасындағы матчтарға қатысатын, дәл сол күні оның әкесі Тобиды үйіне апарып тұратын еді. Ал, келесі күні Тоби қайтадан Амстердамға қайтатын[2]. 2007/08 маусымда Алдервейрелд «Аякстың» жастар академиясына алынады. 2007 жылдың ақпан айында ол 2010 жылы 30-маусымға дейінгі кәсіби келісім шартқа қол қояды[3].

Мансабы[өңдеу]

Аякс[өңдеу]

2008/09 маусым[өңдеу]

2008/09 маусымның ортасында «Аякстың» бас бапкері Марко ван Бастен 19 жасар Тоби Алдервейрелдті негізгі құрамға қосады. 2009 жылдың қаңтар айындағы Португалиядағы оқу-жаттығу жиындарына бельгиялықты алып барады[4]. Оның «Аякс» сапындағы дебюттік матчы 2009 жылдың 18 қаңтарында НЕК клубына қарсы өтті. Сол ойында Тоби алаңға екінші таймда Миралем Сулейманидің орнына шыққан еді. Ойыншы алмасуының себебі, «Аякстың» екінші шабуылшысы Дарио Цвитаничтің қызыл қағаз алуы болатын. Сондықтан да, бапкерге команданың қорғанысын күшейтуге тура келді. Сол матчта «Аякс» НИК (футбол клубы) клубын 4:2 есебімен жеңді[5].

Алдервейрелд УЕФА кубогындағы дебюттік ойынын итальяндық »Фиорентинаға» қарсы өткізді, Тоби алаңға 92-минутта шабуылшы Миралем Сулейманидің орнына шығады. Ойын 1:1 есебімен аяқталды, және «Аякс» 1/8 финалға жолдама алды. 1/8 финалда франциялық «Марсельмен» кездесті. Францияда өткен алғашқы матчта амстердамдықтар 2:1 есебімен жеңіліс тапса[6], екінші ойында 2:2 есебімен тең түседі[7].

Өзінің дебюттік маусымында Голландия чемпионатында Алдервейрелд 5 матч өткізеді[8], маусым соңында «Аякс» чемпионатта үшінші орын алады. 2009 жылдың 22 шілдесінде ол «Аякспен» келісім шартын 2014 жылдың 30 маусымына дейін ұзартады[9].

2009/10 маусым[өңдеу]

Маусымның басында негізгі құрамда ойнай бастайды. Командаласы Томас Вермален «Арсеналға»  ауысқан соң, Ян Вертонгенмен бірге орталық қорғаныста жұп құрайды. Бірнеше керемет матч өткізгеннен кейін  Мартин Йол өз шешімін өзгертпейді. 4 қыркүйек күні «Хераклеске» қарсы матчта чемпионаттаға дебюттік голын салды, ойын 3:0 есебімен аяқталды. 27 қаңтар күні НЕК клубына гол салып, матчты овертаймға дейін жеткізді. Ойынның аяқталуына бес минут қалғанда Сим де Йонг шешуші голды салды, матч 3:2 есебімен «Аякстың» пайдасына шешілді.

2010/11 маусым[өңдеу]

УЕФА Чемпиондар Лигасының топтық кезеңінде «Сан Сиро» стадионында  «Миланға» қарсы ойында 15 метр қашықтықтан гол салып, есепті 2:0 жеткізеді. Біраз күндер өткен соң, «Фейеноорд» қақпасына да гол соғады.

2011/12 маусым[өңдеу]

Маусымаралық үзіліс кезінде өзінің ойынын және қорғаныстағы әріптесі Ян Вертонгенмен түсіністігін жақсартты. Екінші тур аясында өткен «Херенвен» клубына қарсы матчта өзінің керемет голымен көзге түседі.

5 тамыз күні Суперкубоктық матчта ПСВ қақпасына 44 минутта голдың авторы атанады, ойын Эйндховендік клубтың пайдасына 4:2 есебімен шешіледі.

2012/13 маусым[өңдеу]

Алдервейрелд үшінші рет Нидерланды чемпионы атанады. Оның есебінде үш гол: екеуі — чемпионатта («Твенте» мен «Зволле» қақпасына) және біреуі — Еуропа ЛигасындаСтяуаға» қарсы ойында). Чемпиондар Лигасында «Реал Мадридпен», «Манчестер Ситимен» және «Боруссия Дортмундпен» бір топқа түседі. Топта үшінші орын алып Еуропа Лигасына жолдама алады. Ол турнирде румындарға қарсы жауапты матчта 2:4 есебімен жеңіліп, жарысты аяқтайды.

Атлетико Мадрид[өңдеу]

2013 жылдың тамыз айының ортасында Алдервейрелдке көптеген клубтар қызығушылық танытады: «Тоттенхэм Хотспур»[10], «Эвертон»[11], «Ливерпуль»[12], «Арсенал», мәскеулік «Спартак»[13], «Атлетико Мадрид»[14]. Ол «Атлетико Мадридке» ауысуға шешім қабылдайды. 31 тамыз күні Тоби медтексерістен өткен соң[15], «Атлетико Мадридпен» төрт жылдық келісім шартқа қол қояды. Бельгиялық прессаның хабарлауынша, трансфер құны 5 млн мен 7 млн еуро арасында болды. Трансфер ресми түрде 2 қыркүйек күні жарияланды[16][17]. Жаңа клубта Тоби 12 номерді алады. Бірақ, «матрасшылар» сапында бельгиялық негізгі құрамға ене алмады, оның дебюті 20 қазан күні «Эспаньолға» қарсы матч болды, ол алаңға негізгі құрамда шығып, толық матч ойнады, ойын 0:1 есебімен «Эспаньолдың» пайдасына шешілді.

Саутгемптон[өңдеу]

Диего Симеоненің сеніміне кіре алмаған Алдервейрелд ағылшындық «Саутгемптонге» сатып алу құқығымен жалға беріледі, 2014/15 маусымда ол негізгі құрамға ене бастайды.

Тоттенхэм[өңдеу]

«Саутгемптон» футболшыны толыққанды сатып алуға дайын болатын[18], бірақ «Атлетико Мадрид» «Тоттенхэммен» келісіп қойған еді[19][20]. Алдервейрелд 2020 жылға дейінгі келісім шартқа қол қояды. Трансфер құны £11,5 млн құрады.

Бельгия құрамасы[өңдеу]

2009 жылдың мамыр айында Бельгия құрамасының бас бапкері Рене Вандерейкен Алдервейрелдті Жапонияда өткен Кирин кубогына қатысу үшін құрамаға алады. Тобидің құрама сапындағы дебюті 29 мамыр күні Чилиге қарсы ойын болды, ойын 1:1 есебімен аяқталды[21][22]. Екінші ойында Бельгия Жапониядан 4:0 есебімен жеңіледі[23].

Жетістіктері[өңдеу]

Командалық жетістіктері

Нидерланд «Аякс»

Испания «Атлетико Мадрид»

Жеке жетістіктері

Нидерланд «Аякс»

Дереккөздер[өңдеу]

  1. a b c Alderweireld drukt als prof bij Ajax de voetsporen van Vertonghen en Vermaelen.  (нид.). nieuwsblad.be.
  2. a b c d Alle ogen gericht op Alderweireld.  (нид.). parool.nl.
  3. Ajax sign Toby Alderweireld.  (ағыл.). ajax.nl.
  4. Ajax finish good training camp.  (ағыл.). ajax.nl.
  5. Ajax komt als winnaar uit spektakelstuk.  (нид.). ajax.nl.
  6. Ajax houdt zicht op kwartfinale.  (нид.). ajax.nl.
  7. Trots overheerst na uitschakeling.  (нид.). ajax.nl.
  8. Alderweireld — season 2008/09
  9. Alderweireld tot medio 2014 Ajacied.  (нид.). ajax.nl.
  10. Ajax confirm offer for Toby Alderweireld after Tottenham linked with defender.  (ағыл.). skysports.com.
  11. Everton target Toby Alderweireld would welcome a move to Merseyside according to player's father.  (ағыл.). mirror.co.uk.
  12. Long-term Liverpool target Alderweireld issues a 'come and get me' plea to put Premier League's top clubs on high alert.  (ағыл.). dailymail.co.uk.
  13. Martinez in danger of losing chase for Ajax £5m man Alderweireld as Spartak strike first.  (ағыл.). dailymail.co.uk.
  14. Ajax rejects Atletico offer for Alderweireld.  (ағыл.). goal.com.
  15. Алдервейрелд прошёл медосмотр в «Атлетико». eurosport.ru.
  16. Ajax rejects Atletico offer for Alderweireld.  (нид.). ajax.nl.
  17. Más fuerza para el Atleti.  (исп.). clubatleticodemadrid.com.
  18. «Саутгемптон» готов судиться с «Атлетико» в случае перехода Алдервейрелда в другой клуб
  19. «Тоттенхэм» согласовал с «Атлетико» трансфер Алдервейрелда за 16 млн еуро
  20. «Тоттенхэм» объявил о переходе Алдервейрелда
  21. Chili — Belgium 1:1
  22. Alderweireld debuteert met gelijkspel  (нид.)
  23. Japan — Belgium 4:0