Тозаңкөректілер

Тозаңкөректілер (Палинофағи; гр. palyne—тозаң, phagos—жалмауыз ) — жасыл өсімдіктердің тозаңымен қөректенетін жануарлар (кебелектер, бал аралар, түкті аралар, жарғанаттардың кейбір түрлері, тағы басқа). Бұлар өсімдіктердің айқас тозаңдануына әсер етеді. Тірі организмдермен тозаңданатың гүлдердің гүлі немее гүл шоғыры ірі, иісті және шірнелі (көмір суларға бай тәтті шырын) болады. Тозаңкөректілердің көбі күңгірт қызыл немесе ашық қызғылт сары түсті гүлдерді жақсы көреді. Алайда түсті ажырата алмайтын жарғанаттар үшін, әдетте, күлтелерін түнде ашатын гүлдердің түсі ешқандай рөл атқармайды. Олар үшін "белгі иістер" бар. Жарғанаттармен тозаңданған гүлдерден, көбіне көгерген, қышқыл иістер шығады. Шыбындардың кейбір түрлері сасық иісті күңгірт қызыл түсті гүлдерді тозаңдандырады.