Токиолық ғұл

Уикипедия — ашық энциклопедиясынан алынған мәлімет
Jump to navigation Jump to search
Tokyo Ghoul
東京グール
Басқаша атауы

(То:кё: Гу:ру)

Жанры

қиял-ғажайып,
драма, қорқыныш.

Мемлекет

 Жапония

Тілі

жапон тілі

Токиолық ғұл (жапон. 東京グール; ағылш. Tokyo Ghoul) — Суи Исиданың фантастикалық мангасы және анимесі. Суи Исиданың мангасы 2011 жылы Weekly Young Jump журналында Shueisha баспасында жарық көрді. 2014 жылы манга "аниме-сериал" түрінде адаптация алып, Pierrot студиясының орындалуымен 4 шілдеден бастап шығатын болды. Токиолық Ғұл анимесі 4 маусымнан тұрады.

Мазмұны[өңдеу]

Кэн Канэки — Оқыс оқиғаның кесірінен ауруханаға тап болып, тірі қалуы үшін бір ғұлдың ағзалары салынған 18 жасар студент. Ғұлдарға тірі қалу үшін адамдардың етімен қоректену қажет. Сол себепті олар адамдарды өлтіріп жейді немесе өз-өзіне қол жұмсаған адамдардың мәйіттерімен көректенеді. Канэкиге ғұлдың ағзасын салғандықтан ол тек жартылай ғұл болады. Дегенмен ол да басқа адамдардың денесімен қоректенуі қажет. Канэки ғұлдармен қарым-қатынасын үзбей, өз адамгершілігін сақтауға тырысады.

Tokyo Ghoul √А Мазмұны[өңдеу]

Токиолық Ғұл √А — Pierrot студиясынан шыққан анименің екінші маусымы мангаға байланысты альтернативті мазмұнға ие. Мазмұн Канэки мен Яморидің төбелесінен кейін басталады. ҒЖБ-нің жоғарғы іздеушілері "Біркөзді үкіні" іздеуді жалғастыруда. Бұл уақытта Канэки Токаны Аятодан құтқарып, Аятомен төбелесуде. Бірақ, төбелесті Нора бұзып, Аятоны алып кетеді. «Аогири» штабы бұзыла бастайды. Канэки Токаға «Антэйку» кафесін тастайтынын айтып, «Аогири» штабына кетеді.

Tokyo Ghoul: re Мазмұны[өңдеу]

ҒЖБ(Ғұлдарды Жою Бөлімшесі) «Антэйку» кафесіне басып кіргеннен кейін Канэки Кэн жоғалып кетеді. ҒЖБ "Куинкс" деген жаңа топ ашады. Куинкс дегеніміз денесінде ғұлдың "Какухосы" бар адамдар. Оның көмегімен адамдар ғұлдардың қабілеттерін қолдана алады. Манганың басты кейіпкері Сасаки Хайсэ — топтың басшысы әрі жеке іздеуші болады. Сасаки Хайсэнің Муцуки Тору, Уриэ Куки, Ширадзу Гинши және Ёнэбаяши Сайко деген көмекшілері бар.

Tokyo Ghoul: Jack Мазмұны[өңдеу]

Бұл анимеде алдыңғы маусымдардағы оқиғалардан бұрын орын алған оқиғаларды бейнелеген. Яғни бұл анимеде жас іздеушілер Кисё Ариме және Тайси Фуренің неліктен іздеуші болғаны жайлы көрсетіледі.

Кейіпкерлер[өңдеу]

Ғұлдар[өңдеу]

Кэн Канэки / Хайсэ Сасаки — Басты кейіпкер, Ридзэ атты қайтыс болған ғұлдың ағзалары салынған 18 жасар студент. Отадан кейін Канэки өзімен түсініксіз жайттар орын алып жатқанын түсінеді: ол қарапайым аспен тамақтана алмайды. Осы белгілерден кейін өзінің ғұл екенін түсінеді. Сондықтан ғұл екендігін жақындарынан жасырады. Қорытындысында Канэки «Антэйку» кафесіне даяршы болып орналасады. Канэкиде Ридзэнің бірнеше мінездемелері бар: сол көзінде ғұлдың көзі бар, регенерация күші және адамдарға ас дайындай алмау. Канэки басқа ғұлдармен кездеспей тұрып, барлық ғұлдарды қатігез жандар деп ойлады. Ол толық ғұл емес және толық адам да емес екенін түсінгеннен кейін бұл өмірде оған орын жоқ деп ойлады. Канэки кітап оқығанды жақсы көреді. Онымен қоса Канэки бейтаныс адамдарға лезде сенекетеді. Сол себепті оның өміріне жиі қауіп төніп отырады. Ғұлдық белгілері пайда болатын көзін таңумен таңып қояды. Біраз уақыттан кейін не себепті ғұл болғанын анықтау үшін Аогириге барады. Онда ол Аятомен бірге жұмыс істейді.

Канэки Аримамен болған ұрыстан кейін өзінің естеліктерін ұмытады. Ол жаңа өмір бастайды. Жаңа өмірінде Канэки Куинкстардың қатарында болады. Хайсэ(Канэки) өте мейірімді әрі сенімді адам. Ол да Канэки секілді кітап оқығанды жақсы көреді. Дегенмен Хайсэ өзінің ғұл екенін Канэки секілді қабылдай алмады. Әрине, Хайсе ғұлдық ерекшелігін қабылдауға тырысты. Дегенмен, ол оның қолынан келмеді. Өзінің ғұлдық ерекшелігінен жиіркенеді. Хайсэ өте досшыл. Сол себепті жеке жұмыс жасағаннан гөрі топпен жұмыс жасағанды жақсы көреді. Хайсэ өзінің не себепті жартылай ғұл болғанын түсінгісі келеді. Яғни, Хайсэ өзінің бұрынғы өмірін еске алғысы келеді. Бірақ ол бұрынғы өмірін еске алу әсерінен жаңа достарын жоғалтып аламын деп ойлады.

Сэйю: Нацуки Ханаэ

Тока Кирисима — басты кейіпкер, он алты жасар қыз-ғұл. Ол мектепте оқиды және «Антэйку» кафесінде жұмыс істейді. Ол адамдардың арасына білдірмей кіріп кете алады. Себебі, ол өзінің ғұл екенін құпияда сақтау маңызды дейді. Тока кей-кезде кекшіл, онымен қоса әдетте,оның іс-қимылдары жауапсыз. Бастапқы кезде Канэкиді жек көретін. Бірақ, кейін ол Канэкидің жұбы болады. Канэкиді 11-інші ауданнан құтқарғаннан кейін, Тока Канэкиге сезім таныта бастайды. Хинамиді тәрбиелеуді өз қолына алған. Себебі, Хинамидің ата-анасы іздеушілердің қолынан қаза тапқан. Тока құстардан қорқады.

Сэйю: Сора Амамия

Ридзэ Камисиро — Канэки кафеде танысқан қыз. Ридзэ Канэкимен қоректену үшін оны кездесуге шақырады. Бірақ Ридзэнің жоспары іске аспады. Себебі оның үстіне балка(арқалық) құлап, қайтыс болады. Оның ағзаларын өлім ауызындағы Канекиді аман алып қалу үшін орнатады. Бұл оқиғаға дейін Ридзэ аяусыз және күшті ғұл ретінде танымал еді. Канэки секілді, Ридзэ де «Антэйку» кафесінің мүшесі болатын. Онымен қоса Ридзэ кітап оқығанды жақсы көреді. Кейіннен Ридзэнің тірі қалғаны анықталды(Яғни Канэкидің ішінде Ридзэ болды).

Сэйю: Кана Ханадзава

Нисики Нисио — Канэки оқитын университететтің екінші курс студенті. Өзін басқалардан жоғары ұстайды және тітіркенгіш. Жасөспірімдермен сөйлескенді жек көреді. Ғұлдар оның ауданына кіргенді жек көреді. «Антэйку» кафесінде даяршы болып жұмыс істейді. Өзінің Кими Нисино атты қызын өте жақсы көреді. Tokyo Ghoul:re-де Аогириге құрамына кірген. Қазір сол топта «Жылан» деген лақап атпен өмір сүруде.

Сэйю: Синтаро Асанума

Сю Цукияма — 20 ауданның өте мәселелі ғұлдардың бірі, Тіпті бірнеше ғұлдардың өзі оған жақындауға қорқады. Іздеушілердің арасында «талғаыш» деген атпен белгілі. «Ғұлдардың мейрамханасы»-ның мүшесі. Ол онда ММ деген атпен белгілі. Өзін мықты әрі қу етіп көрсетеді. Басқаларға қарағанда, Цукияма әдемі киінеді және ағылшын, испан, француз немесе итальян тіліндегі нақыл сөздерді қолданады. Спортпен айналысатын адам секілді көрінеді және қалай төбелесуді өте жақсы біледі. Tokyo Ghoul:re-да Канэкиді жоғалтқанның әсерінен депрессияға түсіп иіс сезуді тоқтатады.

Сэйю: Мамору Мияно

Ёсимура — «Антэйку» кафесінің менеджері. 20 ауданның ғұлы. Негізінде, өте ақылды әрі мейірімді ғұл. Адам өлтіре алмайтын ғұлдарға көмектеседі. Канэкидің жартылай-ғұл және жартылай-адам екені, оның теріс жағынан гөрі жақсы жағы екеніне Канэкидің көзін жеткізген. Жас кезінде «Бөле» деген атпен белгілі болған. SSS рангтағы ғұл болып табылады.

Сэйю: Такаюки Суго

Ута — Рэндзи мен Иторидің ескі досы. Өзінің жеке өнер студиясы бар. Ол онда әртүрлі бетперделер мен таңулар жасайды. Оның денесінде дене әшекейлер көп. Онымен қосы оның мойнында грекше әріптермен жазылған NεΧ ποσσυμ ΤεΧυμ ωΙωερε, νεΧ σΙνε Τε жазу бар (негізінен бұл грекше жазылған латындық мәтел Nec possum tecum vivere, nec sine te, қазақша-Сенсіз де, сенімен де өмір сүре алмаймын). Онымен қоса «Сайқымазақтар» деген топтың құрамы.

Сэйю: Такахиро Сакурай

Рэндзи Ёмо — Ёсимураның оң қолы, Ута мен Иторидің ескі досы. Ёмо "қарға" деген атқа ие. Ұзын, денелі, күміс шашты ғұл. Әдетте ұзын жадағай және қара футболка киеді. Өте сабырлы ғұл. Tokyo Ghoul:re-да жаңа кафенің менеджері.

Сэйю: Юити Накамура

Хинами Фуэгути — 14 жасар қыз-ғұл. 20 ауданға әкесі іздеушілердің әсерінен қайтыс болғаннан кейін анасымен бірге 20-ыншы ауданға келеді. Кейіннен анасы да іздеушілердің қолынан қаза табады. Болған оқиғадан кейін Токамен өмір сүруді бастайды. Кітап оқығанды жақсы көреді. Канэки жақсы көретін авторды ол да жақсы көреді. Оған жаңа заттар өте қызық. Манганың екінші маусымында белгісіз себептермен Аогиридің мүшесі болады.

Сэйю: Сумирэ Морохоси

Итори — Ута мен Рэндзидің ескі досы. Оны «Helter Skelter» деген бардан табуға болады. Ол онда қылмыс жайлы мәліметтерді айту арқылы ақша табады. Өте досшыл әрі көп сөйлейді. Адамдардан қажетті ақпаратты алу үшін адамдарды қуыршақ секілді қолданады. "Сайқымазақтар" деген топтың мүшесі.

Сэйю: Аяхи Такагаки

Аято Кирисима — Токаның інісі, Токамен бірге өскен, бірақ бірден жоғалып кеткен. Қазіргі таңда Аогиридің құрамында. Ол іздеушілерді жек көреді. Іздеушілерге "қара қоян" деген атпен белгілі. SS рангтағы ғұл. Tokyo Ghoul:re-де Аогирида қалып, Хинами мен Торсо атты ғұлмен бірге жұмыс істеуде.

Сэйю: Юки Кадзи

Якумо Омори — Аогири құрамдасы (лақап аты Ямори немесе Джейсон). Якумо әлсіз ғұлдарды қинағанды жақсы көреді. Аогириге енбей тұрып, әр күн өз қинаушысынан қиналатын. Одан кейін, ол өз қинаушысын өлтіріп, қашып кетеді. Канэкиді темір шынжырға асып қинаған. Бірақ бұл істің арты жақсылыққа апармады. Ол Канэкидің қолынан қаза тауып Судзуяның еншісіне тиді.

Сэйю: Ринтаро Ниси

Татара — Аогиридің мүшесі. "Біркөзді патшаның" орынбасары, Аогиридің көшбасшысы. Үнемі бетперде тағып жүреді.

Сэйю: Кодзи Юса

Наки — Аогиридің мүшесі. Көп уақыт бойы ғұлдардың қаралуында болды. Бірақ, кейіннен Аогири мүшелері көтеріліс жасап оны босатып алады.

Сэйю: Хиро Симоно

«Біркөзді патша» — Аогиридің басшысы, басқа ақпарат жоқ.

Это — Біркөзді үкі, Ёсимураның қызы. ҒЖБ іздеушілерінің ойынша біркөзді патша мен біркөзді жапалақ бір адам. Бұдан бөлек Сэн Такацуки атты жазушы. Канэкидің, Ридзэнің және Хинамидің сүйікті кітаптарын жазған.

Сэйю: Маая Сакамото

Дереккөздер[өңдеу]

  1. TVアニメ『東京喰種トーキョーグール』公式サイト ・本編:本編:第10話~第12話. Marvelous!.
  2. Natsuki Hanae, Sora Amamiya, Kana Hanazawa Lead Tokyo Ghoul Anime's Cast. Anime News Network (Март 15, 2014).
  3. 人を捕食する怪人描く新連載「東京喰種」がヤンジャンで (жап.). Natalie.mu (September 8, 2011).
  4. Tokyo Ghoul Manga to End This Month. Anime News Network (September 12, 2014).
  5. 石田スイ「東京喰種」完結、最終巻は10月に (жап.). Natalie.mu (September 18, 2014).
  6. Аниме әлемі