Толтыр (сор)

Толтыр — Каспий Қарақұмының солтүстік бөлігіндегі сор алқабы.

Атырау облысы, Жылыой ауданы, Майкөмген ауылының батысында 4 км жерде орналасқан. Теңіз деңгейінен шамамен 8 м төмен жатыр. Солтүстік-батыстан оңтүстікке қарай 15 км- ге созылып жатыр, енді жері 2,5-3 км. Жыл өткен сайын сор алқабы ұлғайып, топырағы құнарсыздануда. Солтүстігінде Мибұлақ, солтүстік-шығысында Толтыртұз сорлары жатыр. Сор беті өсімдік жамылғысына жұтаң, шығысынан Бейнеу-Құлсары темір жолы өтеді.