Томас Коул

Уикипедия — ашық энциклопедиясынан алынған мәлімет
Jump to navigation Jump to search
Томас Коул
Thomas Cole
суреті
Туған күні

1 ақпан 1801 (1801-02-01)

Туған жері

Болтон, Ланкашир, Англия

Қайтыс болған күні

11 ақпан 1848 (1848-02-11) (47 жас)

Қайтыс болған жері

Катскилл, Нью-Йорк, АҚШ

Азаматтығы

 АҚШ

Жанры

пейзаж

Мектебі

Гудзон өзені мектебі

Томас Коул (1 ақпан 1801 — 11 ақпан 1848) — америкалық кескіндемеші, Гудзон өзені мектебінің қалаушысы.

Коулдың жанұясы 1818 жылы Англиядан АҚШ-қа көшеді және Огайо штатының Стьюбенвилл қаласына орналасады. Мұнда Томас өздігінен сурет салуды үйрене бастайды.

1825 жылы Коул Нью-Йоркке көшеді. Өзінің бес суретін Джордж Брюнге сатып жіберіп, одан Гудзон аңғарына серуендеп қайтуына қаржылай көмек алады. Сонда Коул Катскилл тауларының, Каатерскил сарқырамасының, Форт Путнамның суреттерін салады. Бұл еңбектерін әріптестері Джон Трамбулл мен Ашер Браун Дюран жоғары бағалап, жас суретшімен жақсы қарым-қатынас орнатады.

Коул көбінесе пейзаждарды салған, бірақ кейбір туындылары аллегориялық мазмұнға негізделген. Бұған оның әйгілі Империяның бағдары атты бес суреттен тұратын топтамасын, Өмір сапары топтамасына жататын төрт суретті және Титанның тостағаны суретін жатқызуға болады.

Империяның бағдары
(1833–1836), бес сурет

1829-1832 және 1841-1842 жылдары ол Еуропаға сапар шегеді. Оның Италияға байланысты көп суреттері сақталған.[1]

1836 жылы Томас Коул Катскилл қалашығында Мария Бартоуға үйленеді. Оларда бес бала туады.[2]

Суретшінің қарындасы Сара Коул да пейзаждарды салумен айналысқан.

Катскилл тауларындағы ең биік шыңдардың бірі Томас Коулдың атымен аталған.

Галерея[өңдеу | қайнарын өңдеу]

Дереккөздер[өңдеу | қайнарын өңдеу]