Топсалы механизм

Топсалы механизм — барлық буындары айналмалы кинематикалық жұптардың (топсаның) құрамына енетін механизм. Оның жазық (көбірек тараған) және кеңістіктік түрлері бар. Жазық топсалы механизм (төрт буынды топсалы механизм) төрт айналмалы жұпты құрайтын төрт буыннан тұрады. Тағанмен (4) жалғасқан екі буын (1 және 3) топса осінен толық айналдырылады (кривошип тәрізді) немесе механизмнің буындары ұзындықтарының қатынасына қарай тербелмелі (күйенте тәрізді) қозғалады. Тағанға қарсы орналасқан буынның (2) күрделлі қозғалысы кейде белгілі бір траекториялар алуға пайдаланылады. Топсалы механизмді түрлендіру жолымен кривошипті-шатунды механизм немесе кулисалы механизм жасауға болады. Практикада буын саны төрттен артық болатын топсалы механизм сирегірек қолданылады. Қарапайымдылығы, коэффициентінің жоғарылығы, ұзақ мерзімге шыдамдылығы және машинаның жұмыстық тегінің күрделі қозғалыстарын серіппе т.б. құрылғылардың көмегінсіз алу мүмкіндігі топсалы механизмнің кеңінен пайдалануына себеп болды.