Торай

Уикипедия — ашық энциклопедиясынан алынған мәлімет
Навигацияға өту Іздеуге өту

Торай - шошқаның 4 айға дейінгі төлі. Туғандағы салмағы 1 кг төңірегіңдегі торай әдетте 2 айға дейін енесінің бауырында өсіріледі. Туғаннан кейін 2-3 сағаттың ішінде ауыздаңдырып, уыз еміздіру керек. Мегежіннің бауырындағы торай саны оның емшегінің санымен бірдей болу керек. Бір торайлағанда мегежін 8-12 торай туады. Одан көп туып, желініндегі жетілген емшектері жетпесе, артық Торайлар басқа мегежінге телінеді. Олар тез өсіп жетіліп, 2 айлығында - 20 кг, 4 айлығыңда - 40 кг-ға дейін салмақ қосады. Торай өсіп-жетілуін жеделдету үшін ене сүтімен қоса сапалы құнарлы азыққа ерте үйретеді. Басқа малдікіне қарағанда шошқа сүтінде темірдің аздығынан, торайлар қан азаюына (анемияға) жиі шалдығады. Оған жол бермеу үшін темірлі қосындылармен (ферродекс, ферроглюкон араласқан темір мен мыс тотияйыны-купоросы) немесе темірі көп қызғылт топырақпен қосымша азықтаңдырады.[1]

Дереккөздер[өңдеу | қайнарын өңдеу]

  1. Ә.Байжұманұлы, К.Бекболатұлы. Мал шаруашылығы сөздігі. Алматы-2011. ISBN 978-601-7254-21-6