Уикипедия — ашық энциклопедиясынан алынған мәлімет
Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
Тексерушілерге нұсқаулықты оқу үшін оң жақтағы көрсет дегенді басыңыз.
Мақала тексерушілерге: мақаланы тексерілді деп белгілеу үшін бұл үлгіні алып тастаңыз. Мақаланы тіркелгеніне 6 ай болған, 500 өңдеме жасаған барлық қатысушылар және осы екі шарттың біреуін болсада қанағаттандыратын қатысушылар тексерілді деп белгілей алады. 2015 жылдың шілдесінен бергі тексерілмеген мақалалар мына санатта тізімделеді: Санат:Уикипедия:Тексерілмеген мақалалар. Осы айдағы тексерілмеген мақалалар санатын бастау.
Алтынсариннің педагогикалық-мемориалдық мұражайы – ғылыми-мәдени мекеме. Торғай кентінде орналасқан. Қазақ халқының ұлы ұстазы, көрнекті қоғам қайраткері және ағартушы Ы. Алтынсариннің өмірі мен педагогикалық қызметін зерттеп, насихаттау мақсатымен ұйымдастырылған. Торғай кентінде 1864 жылы 8 қаңтарда тұңғыш шаңырақ көтеріп, кейін ұлы педагогтің есімі берілген мектеп ғимаратында ашылған. Мұражайды ұйымдастыруға мектептің 1988 жылғы түлектері үндеу тастап, қозғау салды. Мұражай залдарына рет-ретімен қойылған мүліктер мен деректі құжаттар ұлы ұстаздың бүкіл өмір жолынан, өлкеде оқу ісін ұйымдастыру, алғашқы мектептер ашу сияқты сан қырлы ауыр қызметінен мол мағлұмат береді. Сол кезеңдегі қазақ ауылының әлеуметтік ахуалын, оқу-тәрбие ісінің мүшкіл халін көрсететін бай материалдар жинақталған. Ғалымның аса қымбат құжаттары мен қолжазбалары, хаттары, іс қағаздары, оқулықтарының алғашқы басылымдары, Торғай мектебі оқушыларының тізімі, Ы. Алтынсарин араласып, пікірлес болған орыс ағартушыларының, қолөнер училищесі шәкірттері мен ұрпақтарының, ағартушылық қызметін ілгері жалғастырған ізбасарларының фото-суреттері қойылған. Жұртшылық қазақ ғалымдарының ұстаз мұрасын, ғалымдық-педагогтік қызметін зерделеп, қорытындылайтын күрделі зерттеу еңбектерімен де танысады. [1]
↑"Торғай елі" энциклопедиясы. Құрастырған Т.Рсаев. Алматы,"Арыс" баспасы 2013 жыл
