Торғын Жолдасбекқызы

Уикипедия — ашық энциклопедиясынан алынған мәлімет
Навигацияға өту Іздеуге өту
Торғын Жолдасбекқызы
Туған күні

17 сәуір 1985 (1985-04-17)

Туған жері

Ақши ауылы, Іле ауданы, Алматы облысы

Қайтыс болған күні

25 мамыр 2022 (2022-05-25) (37 жас)

Азаматтығы

 Қазақстан

Шығармашылық жылдары

2014—2022

Торғын Жолдасбекқызы (17 сәуір 198525 мамыр 2022) — қазақстандық жазушы, радиожүргізуші. "Кеш қалма", "Араша", "Пана" кітаптарының авторы.

Өмірбаяны[өңдеу | қайнарын өңдеу]

Торғын Жолдасбекқызы 1985 жылы 17 сәуірде Алматы облысы, Іле ауданы, Ақши ауылында дүниеге келген. Анасынан бала күнінде айырылған. Орта мектепті 2003 жылы үздік бітіріп, сол жылы әл-Фараби атындағы ҚазҰУ-не түсіп, оны да 2006 жылы үздік тәмамдаған. Сүйікті адамына тұрмысқа шығып, 2008 жылы қызды болған. Торғын 25 жасында дертке шалдығып, арбаға таңылған. Оның ауруы – анадан қызға берілетін өте сирек кездестеін аутоиммундық генетикалық Эрб-Рот бұлшықет дистрофиясы дерті. 25 жастан асқан соң әпкесі екеуінде сырқаттың белгілері пайда бола бастаған. Әпкесі де анасының соңынан мәңгілік сапарға аттанады. Торғын Жолдасбекқызының 2019 жылы «Араша» және 2020 жылы «Кеш қалма» атты кітаптары жарық көрген. Sector X радиосында «Араша» және «Шексіз мүмкіндік» атты авторлық бағдарламаларын жүргізген. Торғынның ең алғаш сахнада өзін арбада көрсетуі – TEDxSemey конференциясы еді. 2021 жылы 29 қыркүйекте BI Group еліміз үшін ауқымды "Қазақстанның лайықты азаматы" қайырымдылық жобасын өткізгенде халықаралық смс дауыстың ең көп бөлігін жинап екі бөлмелі пәтер иесі атанды. Торғын Жолдасбекқызы 2022 жылы 25 мамырда 37 жасында өмірден озды.

« Өмірде жазылмайтын тән ауруы болмайды. Өкініштісі, еш айықпас рух кеселі кездеседі »

Жетістіктері[өңдеу | қайнарын өңдеу]

  • Брюссельде өткен 8-ші Open Eurazia-2019-да «Кіші проза» бойынша «Араша» кітабына енген «Сөз», «Қоқыс» атты әңгімелері 1-орынға ие болды.

Сыртқы сілтемелер[өңдеу | қайнарын өңдеу]

  1. https://adebiportal.kz/kz/news/view/22871
  2. https://qamshy.kz/article/58057-torghyn-zholdasbekqyzy-adam-arbada-otyrsa-da-mumkindigi-shektelmeydi?ysclid=l6otob551k727974887
  3. https://danalyk.kz/304/ Мұрағатталған 23 мамырдың 2022 жылы.