Тоқбай Исабекұлы

Уикипедия — ашық энциклопедиясынан алынған мәлімет
Навигацияға өту Іздеуге өту

Тоқбай Исабекұлы - (1932-2003) 16 маусымда ҚХР, Құлжа аймағындағы Шипанзе ауданына қарасты Майбұлақ тауының етегінде дүниеге келген. Еңбек жолын 1950 жылы мүғалімдіктен бастаған. 1952 жылы Құлжаға шақырылып, облыстық әкімнің кадрлар бөлімін басқарады. 1955 жылы мамыр да ата-анасымен бірге тарихи атамекені — Қазақстанға келіп, Жаркент педучилищесін бітіреді (1957). Панфилов ауданындағы Кіші Шығай мектебінде мұғалім, 1960 — 1975 жылдары осы мектептің директоры, 1981 — 1991 жылдары кластан тыс тәрбие жұмыстарын ұйымдастырушы болып еңбек етті.

Алғашқы өлеңдері «Іле», «Шың-жаң үнжариясы» басылымдарында жарияланған. 30-дан астам сырлы да сазды әндер шығарған. Әндері «Жастық шақ әуендері», «Ән шырқайық» атты ұжымдық жинақтарға енген. Талай айтысқа қатысып, жүлдегер атанған. Республикалық басылымдарда «Туған жердің түлегі», «Күн шығыстың қыраны», «Күткен күн», «Ұстаз жолы» поэмалары жарияланған. «Жалын» баспасынан «Тау гүлі» (1979), «Жазушы» баспасынан «Мөлдір бұлақ» (1977), «Жердегі жазулар» (1975), «Сырлы дүние» (1982) кітаптары жарық көрді. Әнші Дәнеш Рақышев туралы роман-естелік жазған.[1]

Дереккөздер[өңдеу | қайнарын өңдеу]

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса — Алматы: «Аң арыс» баспасы, 2009 жыл