Трансляция

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Трансляция (лат. 'translatіo – тарату),

  1. телевидение және радиохабарларда – хабарларды студиядан тыс жүргізу (тікелей оқиға орнынан: театрлардан, концерт залдарынан, стадиондардан, т.б.), сондай-ақ қалааралық байланыс жолдары арқылы басқа қалалардан келіп түскен хабарларды жергілікті бағдарламаға енгізу. ``Радиохабарларда трансляция`` кезінде дыбыс тербелістері қолайлы жерге: сахнаға, көрермендер залына, оркестрге жақын, т.б орнатылған микрофонның көмегімен электр сигналдарына түрлендіріледі. Әр түрлі көздерден келіп түскен сигналдарды алғашқы өңдеу (күшейту, түзету, т.б.) және хабарларды қалыптастыру (мысалы, оған диктордың мәтінін енгізу) арнайы күшейткіш, дыбыс жазғыш, өлшегіш, коммутациялағыш, т.б. аппараттар кешенімен жабдықталған ғимаратта жүргізіледі. Бұл – транспункт деп аталады. Транспунктте толық қалыптастырылған хабар жалғастырушы байланыс жолдары арқылы радио үйіне не қалааралық желіге түседі немесе келесі жолы қайталау үшін радио үйінен магнитофонның көмегімен жазылып алынады. Қалааралық байланыс жолдары арқылы қабылданған хабарлар жергілікті радио станцияларында трансляцияланады немесе белгілі уақытқа жергілікті бағдарламаға қосылады. Басқа қаладан хабарларды қабылдау үшін қабылдағыш радиоорталықтар қолданылады. ``Теледидарлық трансляция`` әдетте жылжымалы теледидарлық станциялар арқылы жүзеге асады. Мұнда жартылай стационарлы транспункттер қолданылады.
  2. Электрбайланыста (ретрансляция) – байланыс трактінің аралық пункттерінде жүзеге асатын сым немесе радиосигналдар арқылы таралатын электр сигналдарын қабылдау және олардың келесі көзден қабылдағышқа таралу бағытындағы процесс. Траннсляция кезінде әдеттегідей әлсіз сигналдарды күшейту және қажет болған жағдайда бұрмалануды түзету жүргізіледі. Трансляцияны қолдану радиотолқындардың таралуы және оларды байланыс жолдары арқылы тарату кезіндегі сигналдардың өшуіне негізделген байланыс қашықтығын шектеуді жеңілдетеді. Трансляция негізінен ғарыштық байланыс құру кезінде қолданылады. Трансляцияның техникалық құралдары аралық күшейткіш құрылғыдан, активті, пассивті ретрансляторлардан, т.б. тұрады.
  3. Байланыс қашықтықтығын арттыру үшін электр сигналдарын тарату тізбегіне қосылатын аралық құрылғы.
  4. Сымдар арқылы хабар таратудың ескірген атауы. [1]

Сілтеме[өңдеу]

  1. Қазақ энциклопедиясы, 8 том