Тума қылшық

Тума қылшық - биязы жүнді қой қозысының денесінде іштен туа ерекшеленіп шығып тұрған ұзын да, жуан, әрі ирегі аз қылшық тәріздес жүн талшықтары. Тума қылшық кейінірек, бір жасқа толғанша қалыпты биязы жүн талшықтарымен ауысып, түсіп қалады. Тума қылшық көп өскен қозының, әдетте, дене бітімі мықты, өзі өміршең келеді. Тума қылшық биязылау жүнді қой тұқымдарының қозысында да кездеседі. Тума қылшық тәріздес жүн талшықтары биязы және биязылау жүнді қой тұқымдарының қартаң тартқан бастарында да кездеседі.