Тынышбек Майлыбайұлы Дайрабай

Тынышбек Майлыбайұлы Дайрабай (13.2.1943, Қызылорда облысы Жалағаш ауданы Жаңаталап ауылы) - ауыз әдебиеті үлгілерін жинаушы, Қорқыт Ата атындағы Қызылорда мемлекеттік университетінің профессоры (2003). Қазақстан Жазушылар, Қазақстан Журналистер Одағының мүшесі.

1969 жылы Қазақ мемлекеттік университетін бітірген. Дайрабай Сыр өңірінен шыққан атақты би, батыр, шешен, жыраулардың шығармаларын жинаумен айналысады.

1969–1974 жылы Қызылорда облысының Тереңөзек ауданы «Еңбек туы» газетінде бөлім меңгерушісі, 1974–1976 жылы «Қараөзек» кеншарының партком хатшысы, 1979–1985 жылы Тереңөзек аупартком бөлімінің меңгерушісі, 1985–1995 жылы ауатком төрағасының орынбасары, аудан әкімінің орынбасары қызметтерін атқарды. 1995 жылдан халықаралық «Түркістан» газетінде қызмет істеген.

Кітаптары

• «Тоғанас батыр» (1991);
• «Қаңлы Жүсіп» (1994);
• «Кете Шөмекей шежіресі» (1995);
• «Тереңөзек» (телеавтор) (1996);
• «Тұғыры биік тұлға» (1998);
• «Қорқыт Ата» энциклопедиясы (1999);
• «Төребай» (2001)
• «Кете Жүсіп» (2003);
• «Дүр Оңғар» (2004);
• «Мұзарап ақын» (2004);
• «Сырдың сырлы сыры»;
• «Түркістан альбомы» (2005);
• «Ақын Қуаныш Баймағамбетов» (2007);
• «Сырдария аудан шежіресі» (2009);
• «Сыр перзенттері» (2010);
• «Билер сөзі — киелі» (2012);
• «Жеті тараудағы — жеті анық» (2012).

Марапаттары

• Қазақстан Журналистер одағының Құрмет грамотасы (1993);
• КСРО Жоғарғы Кеңесінің указымен «Еңбек ардагері»;
• Қорқыт ата атындағы Қызылорда мемлекеттік университетінің «Құрметті профессоры» (2003);
• Әлеуметтік ғылымдар академиясының «Құрметті академигі» (2004);
• «ҚР Мәдениет қайраткері» (2005);
• Қармақшы, Жалағаш аудандарының «Құрметті азаматы».