Тырбық қайың

Тырбық қайың- ол ағаштың бір түрі. Неліктен тырбық болып өскен? Өйткені тундраның қысы аса қатал. Ондай суықта әдеттегі биік ағаштар үсіп кеткен болар еді. Ал тырбық қайыңдар қалың қардың астына жасырынып, көктемге дейін алаңсыз ұйықтайды. Ал тым тез өтетін поляр жазы басталған щақта тундра жері гүлге оранып, кілемдей құлпырып кететді. Жабайы солтүстік көкнәрінің сары гүлі, тасжарғанның қызық гүлі- бәрі-бәрі шешек атады... Шөптесін өсімдік атаулы мұнда жоқ десе де болады, көбінесе, мүк пен қына өседі. Ал жазда мұнда көкжелек, итбүлдірген, мүк қарқаты және басқа жидектер қаптап шығады. Тіпті саңырауқұлақтар да бар.

Дереккөзі

"Айгөлек журналы"