Досы Исамағанбетұлы Тілегенов

Тілегенов Досы Исамағанбетұлы
Дүниеге келгені:	1884 Атырау уезі, Атырау обылысы
Қайтыс болғаны:	1924 Атырау қаласы
Мансабы:	ақын

Тілегенов Досы Исамағанбетұлы (1884 ж. т., Атырау уезі, Атырау обылысы - 22.11.1924, Атырау қаласы) - ақын. Әкесінің інісі Есмағамбет қамқорлығымен әуелі ауыл молдасынан оқып, кейін Атырауда, Қаратөбеде орысша білім алады. Жастайынан оқуға зерек, орысша, қазақша, арабша, парсыша сауатты Тілегенов өзі өлең, жыр шығарып, ел арасына тараған шығыс қисса, хикаяларын қазақ тіліне аударып, бастырып шығарады. Ол 1913 ж. Қазан қ-нан "Мұхаммед Ханафия. Хазірет-и Ғалиұғлының Табут падишаһпен соғысқаны" деп аталатын кітапты парсы тілінен қазақ тіліне аударып жариялаған. 1911 ж. жаламен ұсталып, әуелі Оралға, одан Сібірге айдалады. Кейін түрмеден қашып шығып, ел арасында жүреді. 1917 ж. Доссорға келіп қоныстанады. 1920- 22 ж. ішкі істер органына кіріп, ақ гвардияшыларға қарсы күреске қатысады. 1922 - 23 ж. Доссор кәсіподақ комитетінде қызмет атқарады. Ақын "Сапар шектім", "Елімен қоштасуы", "Қапаста", "Сібірдегі қазақ еліне хат", "Хаттан кейін", "Елді ойлау" сияқты өлең, толғауларының, "Ерік" басқармасына (1923), "Жастарға" (1923), "Бірлік туын қолға ұста" (1923), "Доссор мұнайшыларына" (1923) өлеңдерінің авторы. Тілегенов шығармалары "Досы Тілегенүлы" (1990), "Қазақ поэзиясының антологиясы" (1993) кітаптарында жарық көрді.