Тілеков Жәрдем

Тілеков Жәрдем
Дүниеге келгені:	1911 бұрынғы Орал облысы, Жымпиты ауданы, Аралтөбе aуылы
Қайтыс болғаны:	1980 Алматы
Мансабы:	жазушы

Тілеков Жәрдем (23.11.1911, бұрынғы Орал облысы Жымпиты ауданы Аралтөбе aуылы - 3.5.1980, Алматы) - жазушы. 1932 - 37 ж. Орал облысы "Екпінді құрылыс" газетінде бөлім меңгерушісі, 1937 - 41,1946 - 57 ж. сол кездегі Орал, Атырау, Семей облыстары бойынша Қазақстан Жазушылар одағының жауапты хатшысы, 1952 - 73 ж. Қазақтың мемемлекеттік көркем әдебиет (қазіргі "Жазушы") баспасында бөлім меңгерушісі, "Жұлдыз" журналында бас редактордың орынбасары қызметтерін атқарған. Тұңғыш поэмасы "Атырау толқыны" 1940 ж. жарық көрген. Алғашқы өлеңдер жинағы - "Ақсұр ат" 1948 ж. шыққан. "Жаңа жүк" (1953), "Қайнар" (1953), "Хинган асуынан асқанда" (1971), "Сақсолдат" (1975), "Жорық жылында", "Қайнар" (1958) әңгімелер мен повестері, "Темір Масин" (1966) очерктер жинағы, "Жоңғар даласында" (1959), "От кешу" (1967) романдарының авторы. Бірқатар шығармалары шет ел тілдеріне аударылған. Орыс жазушылары А.П. Чеховтың, М.Д. Соколовтың, М.А. Шолоховтың, А.Н. Тихоновтың шығармаларын қазақ тіліне аударған. Еңбек Қызыл Ту орденімен және медальдармен марапатталған.