Тілектес Серікбайұлы Адамбеков
| Тілектес Серікбайұлы Адамбеков | ||||
.png)
| ||||
| Лауазымы | ||||
|---|---|---|---|---|
| ||||
| 28 наурыз 2023 бастап | ||||
| ||||
| 14 қаңтар 2021 — 19 қаңтар 2023 | ||||
| Өмірбаяны | ||||
| Мамандығы | саясаткер | |||
| Дүниеге келуі | 1 қаңтар 1989 (37 жас) Ақтоғай, Ақтоғай ауданы, Қарағанды облысы, Қазақ КСР | |||
| Марапаттары |
| |||
| Тілектес Серікбайұлы Адамбеков Ортаққорда | ||||
өңдеу  |
||||
Тілектес Серікбайұлы Адамбеков (1 қаңтар 1989, Ақтоғай, Ақтоғай ауданы, Қарағанды облысы, Қазақ КСР) — Қазақстан Республикасы Парламенті Мәжілісінің VII (2021–2023) және VIII (2023 жылдан бастап) сайланымдарының депутаты.
Өмірбаяны
[өңдеу | қайнарын өңдеу]1989 жылы 1 қаңтарда Қарағанды облысы, Ақтоғай ауылында дүниеге келген. Арғын тайпасының Қаракесек ішіндегі Қояншытағай руынан шыққан[1].
«Болашақ» халықаралық бағдарламасы бойынша Тунсзи университетінде (Шаңхай, Қытай) «Телекоммуникация» саласында білім алған. Назарбаев Университетінің Жоғары мемлекеттік саясат мектебін бітіріп, мемлекеттік басқару магистрі дәрежесін алды.
Президенттік жастар кадрлық резервінің финалисті (2019).
2008 жылы АҚШ, Монтана штатындағы Wyndham Worldmark менеджері лауазымында болды.
2012-2015 жылдары Алматы қаласында «SHEBERBUILD LD» ЖШС инвестиция тарту және дамыту жөніндегі Қытайдағы өкілі болып істеді.
2015-2016 жылдары Алматы қаласында «Жібек жолы» Қазақстан-Қытай ынтымақтастық орталығы» ЖШС бас директоры қызметін атқарды.
2016 жылдың қарашасынан 2017 жылдың сәуіріне дейін Астана қаласында «Astana Innovations» АҚ инвестициялар және серіктестік жөніндегі басқарушы директоры ретінде жұмыс істеді.
2017 жылы мамырдан қыркүйекке дейін — «Astana Invest» Қалалық инвестициялық даму орталығы» ЖШС бас директорының инвесторларға қызмет көрсету орталығы жөніндегі орынбасары, сол жылы қыркүйек айынан бастап басқарма төрағасының кеңесшісі қызметіне ауыстырылды.
2017-2019 жылдары Нұр-Сұлтан қаласында Cascadia Consumer Electronics Corp. LLC филиалының Еуразиядағы бас өкілі болды.
2018 жылдың қаңтарынан 2020 жылдың ақпанына дейін Eurasia Blockchain Fintech Group Limited жеке компаниясының бас директоры болып істеді.
2020 жылдың ақпан-тамыз айлары аралығында «Қазпошта» АҚ ІТ-инфрақұрылымы бойынша атқарушы директор қызметін атқарды[2].
2020-2021 жылдары Нұр-Сұлтан қаласында Eurasia Blockchain Fintech Group Limited бас директоры болып жұмыс істеді[3].
2021-2023 жылдары «Нұр Отан» партиясының партиялық тізімі бойынша Қазақстан Республикасы Парламенті Мәжілісінің VII сайланым депутаты, Халықаралық істер, қорғаныс және қауіпсіздік комитетінің мүшесі болды[4].
2023 жылдың наурыз айынан бастап «Аманат» партиясының партиялық тізімі бойынша Қазақстан Республикасы Парламенті Мәжілісінің VIII сайланым депутаты[5], Экономикалық реформа және өңірлік даму комитетінің мүшесі болды[6].
Марапаттары
[өңдеу | қайнарын өңдеу]- Қазақстан Республикасы Президентінің 2022 жылғы 14 наурыздағы Жарлығымен «Құрмет» орденімен марапатталды.
Дереккөздер
[өңдеу | қайнарын өңдеу]- ↑ Қояншы-Дәулет-Таңай (Қояншытағай) шежіресі / Жалпы редакциясын басқарған Н. О. Дулатбеков. — Қарағанды: «Болашақ-Баспа» РББ, 2008. — 293 б.
- ↑ Тілектес Адамбеков. Білім алу — ең жақсы инвестиция. SAYASAT.kz (2 желтоқсан 2023). Тексерілді, 1 наурыз 2025.
- ↑ ҚР Парламенті Мәжілісінің депутаты. «ҚазАқпарат» халықаралық ақпарат агенттігі. Тексерілді, 1 наурыз 2025.
- ↑ «Nur Otan» партиясынан Мәжіліс депутаттарының тізімі жарияланды. «OTYRAR» Шымкенттің ақпарат порталы (13 қаңтар 2021). Тексерілді, 1 наурыз 2025.
- ↑ «Аманат» партиясынан Мәжіліске баратын депутаттар тізімі жарияланды. «Алатау арайы» Алматы облыстық қоғамдық-саяси газеті (28 наурыз 2023). Тексерілді, 1 наурыз 2025.
- ↑ Жаңа сайланған депутаттар қандай комитеттерге мүше екені белгілі болды. MASSAGET.kz (29 наурыз 2023). Тексерілді, 1 наурыз 2025.