Тілеухан Әлиакбарұлы Тұрмағамбетов

Тілеухан Тұрмағамбетов
Жалпы мағлұмат
Туған күні	18 қараша 1965 (1965-11-18) (59 жас)
Туған жері	Қызылорда
Азаматтығы	КСРО Қазақстан
Бойы	172
Позиция	шабуылшы
Клуб жайлы ақпарат
Клуб	клубсыз
Клуб карьерасы 1981—1983 Мелиоратор 28 (5) 1983—1986 Қайрат 5 (0) 1986—1991 Мелиоратор 188 (74) 1992 Қайсар 36 (11) 1993 Қайрат 17 (7) 1993—1995 Жігер 72 (27) 1996—1999 Қайсар 89 (7) 1999 Тараз 7 (0) Бапкерлік карьерасы 2001—2003 Қайсар асс 2003 Қайсар 2004 Қайсар асс 2006 Қайсар 2008—2009 Қайсар асс 2009 Қайсар

Тілеухан Әлиакбарұлы Тұрмағамбетов (18 қараша 1965 жыл, Қызылорда) — қазақ футболшысы, шабуылшы, футбол жаттықтырушысы. Қазақстан чемпионаттары тарихындағы тұңғыш хет-триктің авторы.

Карьерасы

Клубтық

Қызылорда футболының түлегі. 1981 жылы не-бары 16 жасында қызылордалық "Мелиоратор" клубында ойнай бастады. 1981 жылы 16 қазанда "Уралец" клубына қарсы КСРО чемпионаттарының екінші лигасында тұңғыш рет кәсіби футболшы ретінде алаңға шықты.

1983 жылы КСРО жастар құрамасына шақырту алды. Бірақ алаңға шықпады.

1983 жылы алматылық "Қайратқа" ауысты.

1985 жылы тұңғыш рет КСРО Жоғары лигасында ойнады. 24 наурыз күні Донецкінің "Шахтеріне" қарсы тұсаукесер ойынын өткізді, маусым ортасына дейін бес рет алаңға шықты. Бір қызығы, сол кездесудің ешқайсысында "Қайрат" қарсыластарынан ұтылмады. Бірақ сол бес ойынннан соң қайтадан жоғары лигада ойнаған жоқ, себебі жыл соңында туған клубы "Мелиоратор" сапына қайта оралған еді.

Одақ тарағанша "Мелиоратордан" басқа клубқа ауыспады. 1988-90 жылдары үш маусым қатарынан "Мелиоратордың" үздік шабуылшысы атанды.

1992 жылы Қазақстанның тұңғыш чемпионатында он бір гол соқты, 15 мамырда "Металлист" (Қызылжар) клубының қақпасына үш гол соқты, бұл отандық чемпионат тарихындағы тұңғыш хет-трик болатын.

Ұлттық құрама

1992 жылы 14 қыркүйекте сырт алаңда Түрікменстанға қарсы ойында құрама сапында тұңғыш рет алаңға шықты.

1995 жылы 29 желтоқсанда Сауд Арабиясына қарсы жолдастық кездесуде құрама сапындағы соңғы ойынын өткізді.

Баркерлік карьерасы

1999 жылы "Тараз" сапында жүріп карьерасын аяқтады да, бапкерлікке кірісті. 2001-09 жылдары бірнеше рет "Қайсардың" бас бапкері қызметін атқарды.

Сыртқы сілтемелер

• Футболшының өмірбаяны Мұрағатталған 2 қарашаның 2019 жылы.
• Профилі