Тілқияр

Уикипедия — ашық энциклопедиясынан алынған мәлімет
Jump to navigation Jump to search
Тілқияр
иісті тілқияр
Ғылыми топтастыруы
Дүниесі: Plantae
(unranked) Monocots
(unranked) Commelinids
Сабы: Poales
Тұқымдасы: Poaceae
Кіші тұқымдасы: Pooideae
Тегі: Hierochloe
R. Br.
Синонимдері

Тілқияр (лат. Hierochloe) – астық тұқымдасына жататын көп жылдық шөптесін өсімдіктер. Суық және қоңыржай аймақтарға тараған 30 түрінің Қазақстанда суармалы жерлерде, далалық және субальпілік шалғындарда, таудың биік беткейлерінде өсетін 2 түрі бар. Жиі кездесетіні – иісті Т. (Н. odorata). Кейде бұл өсімдікті арамшағыр деп те атайды. Биіктігі 25 – 70 см. Төсемелі ұзын тамырсабақты. Сабағы түксіз, беті тегіс, жылтыр. Сабақтың түбінен шығатын жапырақтар созылыңқы, үшкір, ал сабақ бойындағылары – ұзынша, жіңішке. Гүлшоғыры – шашыраңқы, қоңыр түсті сыпыртқы. Масағы жұмыртқа тәрізді, үш гүлді. Гүлдері қосжынысты. Мамыр – маусым айларында гүлдеп, жеміс салады. Тілқиярдың құрамында иісті зат – кумарин болғандықтан мал жемейді. Тілқиярды дәрі және иісті шарап (“Зубровка”) жасауға пайдаланады.[1]

Сілтемелер[өңдеу]

  1. "Қазақ Энциклопедиясы", 9 том