Түктібаев каналы
| Түктібаев каналы | |
| Орналасуы | |
| Ел |  Қазақстан |
| Аймақ | Қызылорда облысы |
| Сипаттамасы | |
| Ұзындығы | 88,7 км |
| Су шығыны | 100 м³/с |
| Су ағысы | |
| Бастауы | Басықара каналы |
| 45°45′38″ с. е. 62°18′52″ ш. б. / 45.760467° с. е. 62.314387° ш. б. (G) (O) (Я) | |
 — бастауы,  — сағасы | |
Түктібаев каналы – Қызылорда облысы Қазалы ауданындағы жасанды су арнасы. 1957 жылы салынған. Сырдария өзенінің сол жағалық аңғарында орналасқан.
Гидрологиялық сипаты[өңдеу | қайнарын өңдеу]
Бастауын Басықара бөгенінен алады. Ұзындығы 88,7 км, су өткізгіштігі 100 м3/с, бойында 52 гидротехникалық құрылыстар бар. Канал 512-бекетке жеткенде үш тармаққа (Ішкі канал, Қараарық, 50 жылдық атындағы канал) бөлінеді. Қараарықтың ұзындығы 42 км, су өткізгіштігі 10 м3/с, 1970 жылы салынған, суаратын егіс аумағы 3500 га. 50 жылдық атындағы каналдың ұзындығы 15 км, су өткізгіштігі 6 м3/с, суаратын егісі 4000 га, 1970 жылы салынған. Каналдың жалпы атауы ішкі каналдың атымен аталған. Оның ұзындығы 17 км, су өткізгіштігі 11 м3/с, бойындағы гидротехникалық құрылыс саны 5, суаратын егіс аумағы 3800 га, 1971 жылы салынған.[1]
Дереккөздер[өңдеу | қайнарын өңдеу]
- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том