Түнгі көздеу құралы

Түнгі көздеу құралы (орыс. ночной прицел) — қараңғыда және тұманда атыс қаруы (зеңбірек, автомат және т.б.) мен танкіге қарсы артиллерия зеңбіректерінен әр түрлі нысаналарға тікелей көздеу арқылы атыс жүргізуге мүмкіндік беретін, түнде көруге арналған құрал. Түнгі көздеу құралының толық жинағына электронды-оптикалық көздеуіш, инфрақызыл прожектор және прожектор мен түрлендіргіштің электро-қоректендіргіштері кіреді. Электронды-оптикалық көздеуіш пен инфрақызыл прожектор қаруда құрастырылады, ал электрқоректендіргіш көздері алып жүруге қолайлы арқа сөмкесінде болады. Түнгі көздеу құралы арқылы нысананы бақылауда жер мен объектіге инфрақызыл сәуле түсіріледі, оның бір бөлігі нысанада бейнеленіп, құралдың объектісіне түседі де, фотокатодтың үстінде бейнеленеді, нәтижесінде экранда нысананың бір түсті бейнесі пайда болады.