Түркие

Уикипедия — ашық энциклопедиясынан алынған мәлімет
Мұнда ауысу: шарлау, іздеу

ТүркиеЖамбыл облысындағы түрік диаспорасының қауымдастығы.


1992 ж. сәуірде құрылған. Президенті – Д.М. Абдуллаев.

Қоғамның басты міндеті – түрік халқының салт-дәстүрін, тілін өркендету және Түркия мен Қазақстан арасындағы мәдени байланыстарды өркендету. «Түркие» қоғамы Қазақстандағы ұлтаралық татулықты нығайта түсу бағытында облыс пен Тараз қаласы көлемінде түрлі мәдени іс-шараларды ұйымдастырып тұрады. Осы қоғамның тікелей араласуымен облыстағы орта мектептердің 82 түлегі Түркияның жоғары оқу орындарында оқуға мүмкіндік алды. «Түркие» қоғамының ұйымдастыруымен Тараз қаласында 1996 жылы түрік мәдениеті күні, 1997 жылы Тараз университетінде «1930 – 1953 жылдардағы түріктерге қарсы жасалған геноцид» деген тақырыпта ғылыми конференция өткізілді. 1999 жылы «Түркие» қоғамы Түркияда жер сілкінісінен зардап шеккендерге қайырымдылық көмек ұйымдастырды.

Қоғам жанынан «Ахыска» деп аталатын көркемөнерпаздар ансамблі құрылған. Бұл ансамбль облыста өткізіліп тұратын барлық мәдени іс-шараларға белсене қатысады.[1]

Дереккөздер[өңдеу]

  1. Тараз : Жамбыл облысы энциклопедиясы. Алматы, ISBN 9965-9389-1-1