Түркиядағы жер сілкінісі (2010)

Түркиядағы жер сілкінісі — Элязыг қаласына жақын маңда, 2010 жылғы 8 наурызда болған жер сілкінісі.

Сілкініс ошағы 10 км тереңдікте орын алған. Бұл сілкіністің соңынан 5,5, 5,1 және 5,3 магнитудасымен 40 – тан аса жер толқулары болғандығы жайлы Босфор университетінің сейсмология зертханасының хабарлауымен белгілі болған.

Түрік телеарналарының хабарлауы бойынша жер сілкінісінің нәтижесінде шамамен 57 адам қаза тапқан, 100-ге жуығы жарақаттанған. Дәл осы күні Рихтер шкаласы бойынша 6.0 күшімен толқу қайталанған.

Жер сілкінісі ошағы Элязыг провинциясынан 30-45 км қашықтықтағы төрт ауыл дерлік жойылып кеткен (Анкарадан шығысқа қарай 550 км). Туристік аймақтардан алыс орналасқан бұл кедей ауылдардағы тастан жасалған үйлер қиратылып, қоқысқа айналған. Тек қана жерсілкінісіне төтеп бере алатындай етіп салынған мешіттер аман қалған.