Түркия баспасөзі

Түркия баспасөзі (тарих), (журналистика) – Түркия баспасөзі 17 ғасырда пайда болды. Түрік баспасөзінің пайда болу, даму, қалыптасуына француздар маңызды рөл атқарған болатын. 18 ғасырдың соңында Стамбулдағы француз елшісі С. Вернинак дипломаттар мен шенеуніктерге арналған бюллетень шығара бастады. 1796 жылы «Gazette Frangaise de Constantinople» газеті жарық көре бастады. Екі жылдан кейін басылым жабылып қалады да, Түркияда газет шығару ісі біршама тоқтап қалады. 1821 жылы француз азаматы Александар Блак Түркияда француз тілінде газеттер шығара бастады. Баспасөздің қоғам өміріндегі маңызын жақсы түсінген Осман мемлекетінің соңғы падишахы Сұлтан 11 Махмұд Блакқа түрік астанасында газет шығару ісін дамытуды тапсырады. 1875 жылы Стамбулда 47 басылым шығып тұрған. Қазіргі түріктің юмористік басылымдарының негізі де осы кезеңдерде дамыған.