Түсіндірмелі шартты белгілер

Уикипедия — ашық энциклопедиясынан алынған мәлімет
Jump to navigation Jump to search

Түсіндірмелі шартты белгілер (орыс. пояснительные условные знаки) — жергілікті жер объектілерінің қосымша сипаттамасы үшін қолданылады. Картада шартты белгілермен бірге толық, қысқартылған жазулар, сондай-ақ графикалық бейнелеуге болмайтын объектілердің сандық сипаттамалары, елді мекендер, өзендер, көлдер, таулар, сайлар және т.б. объектілердің жеке атауларының жазулары да беріледі. Көрнекілендіре түсу, окуды жеңілдету және картаның мазмұнын байыту үшін жергілікті заттар мен бедерлер картада белгілі бір дәрежеде олардың табиғи түсін еске салатындай етіп түрлі бояулармен басылады. Мыс., орман, бұталар, бақшалар, саябақтар жасыл бояумен; теңіздер, өзендер, көлдер және гидрографияның басқа объектілері көк бояумен, жекелеген жергілікті заттардын шартты белгілері, сандық сипаттамалар және жазулардың көпшілігі, жолдар қара бояумен, жақсартылған топырақты жолдар сары бояумен, тас жол төсемі қызғылт-сары бояумен, жер бедері коңыр бояумен бейнеленеді.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы:"Мектеп" ААҚ , 2001