Түсіру торабы

Уикипедия — ашық энциклопедиясынан алынған мәлімет
Jump to navigation Jump to search

Түсіру торабытопографиялық түсірістерді тікелей қамтамасыз ету үшін мемлекеттік геодезиялық торап пункттеріне қосымша анықталатын нүктелер жиынтығы. Түсіру торабының нүктелері аналитикалық әдістер — триангуляциямен, теодолиттік жүрістермен, қиылыстырулармен және графикалық тәсілдер — мензула мен кипрегельдің көмегімен (геометриялық торап, мензулалық жүріс, қиылыстыру) анықталады. Түсіру торабын дамыту үшін мемлекеттік геодезиялық торап пункттері бастапқы негіз болады. Пландық орындарындағы Түсіру торабы нүктелерін анықтаудың орташа қателіктері картаның түпнұсқасында ең жақын геодезиялық пункттермен салыстырғанда 0,1 мм-ден аспайды. Биіктігі бойынша орташа қателіктер әрбір түсіріс масштабы үшін техникалық нұсқаулармен және түсірілетін ауданның физикалық-географиялық сипаттамасына байланысты анықталады.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: География және геодезия. — Алматы: «Мектеп» баспасы, 2007 жыл. — 264 бет. ISBN 9965-36-367-6