Түтін түзегіштер

Тутін Тузегіштер – атмосфераға араласқанда түтін немесе тұман (аэрозоль) түзетін заттар. Жасыру (бүркеу) үшін ақ түсті және сигналдар беру мақсатында қолданатын әр түсті түтін түзегіштер болады. Олар төрт топқа бөлінеді:

1. ) тозаңданғанда немесе буланғанда ауадағы ылғалмен химиялық әрекеттесіп, тұман түзетін заттар. Оларға күкірт ангидриді, хлорсульфон қышқылы, күкірт қышқылындағы не хлорсульфон қышқылындағы күкірт ангидридінің ерітінділері, сондай-ақ кейбір хлоридтер (TіCl4, ZnCl4, SіCl4) жатады;
2. ) ауадағы оттекпен реакцияласатын түтін түзегіштер, оларға ақ фосфор және соның негізіндегі қоспалар жатады. Ақ фосфор оттекте жанғанда фосфор ангидридін түзеді (ақ бу);
3. ) сұйылмай булану не терм. ыдырау (пиротехникалық қоспа) арқылы түзілетін заттар. Бұларға хлорлы аммоний, ароматты көмірсутектер (нафталин, антрацен, фенантрен, т.б.) және май қатарындағы кейбір көмірсутектер жатады;
4. ) бұл топқа әр түрлі мұнай өнімдері мен көпіршікті пластар жатады. Сигналдық түтін түзегіштерді алу үшін құрамында жанғыш заттар мен тотықтырғыш және түтінге қызыл, сары, жасыл, көк, күлгін түс беретін органик. бояғыш заттары бар пиротех. қоспалар қолданылады. Тутін Тузегіштер әскери істе жасырыну, сигнал беру, т.б. үшін, а. ш-нда өсімдіктерді үсік шалудан және зиянкестерден қорғау үшін кеңінен пайдаланылады.

Сілтемелер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том