Түтін қалқа

Түтін қалқа (орыс. дымовая завеса) жасанды жолмен жасалған аэрозоль (түтін немесе түман) бұлты. Қарсыласты жаңылыстыру, өз әскерлерінің қимылдарын және объектілерін бүркемелеу үшін қолданылады. Түтін қалқа түтіндеткіш құты, гранаттар, миналар, снарядтар, бомбалар, түтіндеткіш аппараттар арқылы жасалады. Түтін қалқа орналасуы бойынша — жаппай, қаптал, тылдық, жалған бағытта; қойылу тәсілі бойынша — жылжымалы және жылжымайтын; мақсаты бойынша — жаңылыстыру және бүркемелеу болып бөлінеді. Бүркемелейтін Түтін қалқа үлкен көлемде (түтіндету) тығыз, жартылай тұнық немесе төмен тығыздықта болуы мүмкін. Әскери мақсатта тұңғыш рет Екінші дүниежүзілік соғыста қолданылған.