Тұз көже

Уикипедия — ашық энциклопедиясынан алынған мәлімет
Jump to navigation Jump to search

Тұз көже - дәмі жағынан қышқылтым көжелерге жақын, бірақ одан да өткір ежелгі орыс тағамы. Оларды асқорыту бездерінің күшті секрециясын тудыратын қою ет, балық және саңырауқүлақ сорпаларында майлы, өткір етіп пісіреді. Бұлар орыс аспаздығының ең калориялы тағамдары. Тұз көжелерінің гарниріне түздалган қияр, зәйтүн, каперстер, томат езбесі кіреді. Тұз көжелер ассортиментіне: жинақтық етті, үй (картоппен), балық, саңырауқұлақ, дондық (қызанақпен) және т.б жатады. Тұз көжелер үшін көкөністерді түтікшелеп турайды. Лимон қосып береді. Қаймақты балық тұз көжесінен басқа, барлығына қосып береді. Жинақтық етті тұз көжесі. Басты пиязды түтікшелеп турайды да, шала қуырады, томат езбесін қосып 2—3 мин қуырады. Қабығы мен тұқымынан тазартылған тұздалған қиярларды түтікшелеп турайды да, сорпада өз сөлінде пісіреді. Сүйек сорпасында сиыр етін пісіреді, оны алып, жіңішке тіліктермен турайды; піскен бүйректі, сан етті, сосискаларды кесектеп турайды. Қайнап жатқан сорпаға томат езбесімен шала қуырылған пиязды, өз сөлінде пісірілген қиярды, каперстерді, алдын ала дайындалған ет өнімдерін, дәмдеуіштерді салады да 5— 10 мин пісіреді. Үстелге әкелер кезде тұз көже құйылған тәрелкеге зәйтүн, қабығынан аршылған лимон тілігін, қаймақ және көк салады. Одан да өткір дәм алу үшін пісіру соңында сүзілген қияр тұздығын қосуға болады. Үй тұз көжесі. Оны жинақтық етті тұз көже сияқты, текшелеп туралған картоп қосып пісіреді.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: К54 Қоғамдық тамақтандыру.— Алматы: "Мектеп" баспасы, 2007. — 232 бет.ISBN 9965-36-414-1