Тұйық қорғасын-барит кен орны
| Тұйық қорғасын-барит кен орны | |
| 43°06′05″ с. е. 79°23′49″ ш. б. / 43.1014842° с. е. 79.3968201° ш. б. (G) (O) (Я)Координаттар: 43°06′05″ с. е. 79°23′49″ ш. б. / 43.1014842° с. е. 79.3968201° ш. б. (G) (O) (Я) | |
| Ел |  Қазақстан |
| Аймақ | Алматы облысы |
| Ашылған уақыты | 1955-1963 жыл |
| Өндіре бастады | 1966 жыл |
Тұйық қорғасын-барит кен орны – Алматы облысы Райымбек ауданы Кеген кентінен солтүстікке қарай 35 км қашықтықта орналасқан. 1955-1963 жылдары барланып, 1966 жылдан бастап пайдалануға берілді.
Геологиялық құрылымы[өңдеу | қайнарын өңдеу]
Кетпен жотасындағы Темірлік синклиналының солтүстік жағында орналасқан. Кен аумағында гранит интрузиялары, дайка, шток пішінді магмалық тау жыныстарымен қиылған төменгі карбонның эффузия-шөгінді тау жыныстары тараған. Тұйық антиклинорийіндегі орта және жоғары визей кезеңінде жаралған шөгінді тау жыныстарына сыйысқан кендену қалыңдығы 50 м, төмен горизонттарда 200-250 м болатын уатылу белдемдерімен ұштасқан. Кентас бақылаушы құрылым ретінде осы иілім арқылы өтетін тектоникалық жарылыс саналады.
Құрамы, минералдары[өңдеу | қайнарын өңдеу]
Кентас құрамы қорғасынды, мысты, баритті. 54 кен денесінің 15-і балансқа алынған. Басты минералдары: галенит, сфалерит, халькопирит, барит, пирит.
-
Галенит -
Барит -
Халькопирит -
Пирит -
Сфалерит
Тотығу белдемі[өңдеу | қайнарын өңдеу]
Тотығу белдемінің тереңдігі 150-200 м. Кентас карьер, штольня әдістері арқылы өндіріліп, флотация әдіспен байытылады. Гидротермалдық, шөгінді-гидротермалдық жолмен жаралған. Қорғасын-барит кентастарының қоры А, В, С категориялары бойынша 13577 мың т ірі кен орны саналады.[1]
Дереккөздер[өңдеу | қайнарын өңдеу]
- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, VIII том