Тұрдыбеков Қобыланды Мүбаракұлы

Уикипедия — ашық энциклопедиясынан алынған мәлімет
Jump to navigation Jump to search

Тұрдыбеков Қобыланды Мүбаракұлы (2.1.1959 жылы туған, Ресей, Новосибирск облысы Чулым ауданы Преображенка селосы) – ғалым, химия ғылымының докторы (1999), профессор (2002). Е.А. Букетоватындағы Қарағанды мемлекеттік университетін (1981), КСРО ҒА Элементорганикалық қосылыстар институтының аспирантурасын (1992) бітірген. 1983 – 97 жылы Қазақ КСР-і ғылым академиясының Органикалық синтез және көмір химиясы институтында (Қарағанды қаласы) аға зертханашы, инженер, ғылыми қызметкер, бөлім меңгерушісі болды, 1997 жылдан ҚР Білім және ғылым министрлігінің Фитохимия институтында зертхана меңгерушісі. Негізгі ғылыми еңбектері түрлі құрылымдық типтегі табиғи қосылыстардың стереохимиясын, кеңістіктік құрылысын, реакцияға қабілетін зерттеуге арналған. Оның жетекшілігімен литейлі эфедриндік алкалоидтардың конформациялық сипаттамасы нақты талданып, циклді өнім пайда болатын реакциялар кезіндегі стереоселективтіліктің себептері түсіндірілді және табиғи жолмен алынған фенолдық қосылыстардың кеңістіктік құрылысына және конформациялық тәртібіне талдау жүргізілді. 190-ға жуық ғыл. еңбектің авторы. 3 химиялық ғылым кандидатын даярлаған. “Ерен еңбегі үшін” медалімен марапатталған. ҚР Мемлекеттік сыйлығының иегері (2007).[1]

Дереккөздер[өңдеу]

  1. Қазақ Энциклопедиясы X том