Тұрысбек Рақымжан

Рақымжан Сағымбекұлы Тұрысбек
Дүниеге келгені:	1958 Жамбыл облысы, Талас ауданы, Аққұм ауылы
Мансабы:	профессор

Тұрысбек Рақымжан— 1958 жылы Жамбыл облысы, Талас ауданында (Аққұм ауылы) дүниеге келген.. Филология ғылымдарының докторы, профессор.

1980 жылы Қазақ ұлттық университетін ( С.М.Киров атындағы) бітірген соң,Қазақ КСР Баспа, полиграфия және кітап саудасы істері жөніндегі мемлекеттік комитетінде редактор, Қазақстан Республикасы Білім және ғылым министрлігінің М.О.Әуезов атындағы Әдебиет және Өнер институтында ғылыми қызметкер, Т.Жүргенов атындағы Өнер академиясында кафедра меңгерушісі қызметін атқарды.

1993— 1994 жж. ҚазМҰУ-да оқу ісін ұйымдастырушы, деканның орынбасары, қазақ әдебиеті кафедрасында доцент, профессор болып еңбек етіп келеді. ҚазМҰУ-дың М.Әуезов атындағы әдеби бірлестігінің жетекшісі.

"Достық мектебі" ("Мектеп", 1989), "Дүниетаным және шығармашылық" ("Санат", 1993), "Көркемдік таным" ("Шабыт", 1995), "Сөз сарасы" ("Мектеп", 1997), "Жүсіпбек" ("Санат", 1997), Жүсіпбек Аймауытұлы және 20 жылдардағы қазақ прозасы" ("Қазақ университеті", 1998), "Ар айнасы" (Зерттеу. "Қазақ университеті", II томдык-І том, 2000; II том, 2001), "Ж.Аймауытұлының әсемдік әлемі" ("Қазақ университеті, 2003), "Парыз бен парасат" ("Қазақ университеті", 2003). "Қазақ билері", "Бес арыс", "Бес бәйтерек", "Қазіргі әдебиет" (2019) , "Жүсіпбектану" (2019) , "Жүсіпбек Аймауытұлының шығармашылық мұрасы" . Монография (2020) , "Жазушы шеберлігі мен шығармашылық зертхана" (2023) т.б. танымдық кітаптардың, зерттеу еңбектерінің, оқу бағдарламалары мен көмекші құралдардың авторы.

Кәсіби тәжірибесі: • 1985-89 жж. -ҚР Баспасөз жөніндегі Мемлекеттік комитетінің қызметкері. • 1988-1992 жж.- ҚР Білім және ғылым министрлігі М.О. Әуезов атындағы Әдебиет және өнер институтының ғылыми қызметкері. • 1992-93 жж. Т. Жүргенов атындағы Театр  және кино институтының «Әдебиет пен тіл»  кафедрасының  меңгерушісі. • 1990 ж. - «С. Мұқанұлының 20 жылдардағы қазақ прозасы» деген тақырыпта кандидаттық диссертация қорғады. • 1999 ж. - «Ж. Аймауытұлы және 20 жылдардағы қазақ прозасы» атты тақырыпта докторлық диссертация қорғады. • 1990-2005ж.ж. М.О. Әуезов атындағы Әдебиет және өнер институтындағы Әдеби бейсенбілікке, Әл-Фараби атындағы Қазақ ұлттық университетіндегі М.Әуезов атындағы Әдеби бірлестікке жетекшілік жасады. 2005-20 жылдары ЕҰУ жанындағы М.Жұмабаев атындағы Әдеби бірлестік жетекшісі. «Алқа» студенттік клубын басқарды. • Р.С. Тұрысбек бүгінгі таңда – Л.Н.Гумилев атындағы Еуразия ұлттық университетіндегі Қазақ әдебиеті кафедрасының профессоры, филология ғылымдарының докторы. ЖОО – ның үздік оқытушысы. Марапаттары: ·        ЖОО-ның үздік оқытушысы (2007). ·        ҚР Білім беру ісінің құрметті қызметкері (2008). ·        « Ыбырай Алтынсарин» медалі ( 2009). ·        «ҚР ғылымын дамытуға сіңірген еңбегі үшін» төсбелгі (2016) ·        «Алаш» естелік медалі (2017) ·        ЕҰУ: «Күлтегін» медалі (2018) ·        ЕҰУ: «Л. Н. Гумилев» медалі (2021) ·        «Алтын Барыс» (2023)