Тұтандыру бауы

Уикипедия — ашық энциклопедиясынан алынған мәлімет
Jump to navigation Jump to search

Тұтандыру бауы (орыс. детонирующий шнур) — бірнеше зарядты жаруға арналған, бризантты жарылғыш заттарға толы майысқақ түтік.

Тұтандыру бауының өзегі тонмен, октогенмен, гексогенмен араласқан тетрилмен, күркіреуік сынаппен жабдықталады. 1 метрлік Тұтандыру бауында 10-13 г жарылғыш заттар болады. Тұтандыру бауы капсюль-детонатордан, электр-детонатордан немесе жарылғыш заттар зарядынан жарылады. Тұтандырғыш баудың детонацияны жеткізу жылдамдығы 9000 м/сек., оның көмегімен зарядтардың бір уақытта жарылуы қамтамасыз етіледі. Баудың ұшында капсюль-детонатор болуы керек, алайда зарадты тек 4-5 қатарға оралған тұтандырушы баудың көмегімен де жаруға болады. Тонмен жабдықталған, үстінен қызыл жіптер тартылған ылғал өткізбейтін мастика қабықшалы ДШ-Б, қызыл пластиктен жасалған су өткізгіш қабықшалы ДШ-В, екі қызыл жібі бар ақ түсті қабықшалы ДШ-А баулары қолданылады. Су астында ДШ-Б өз қасиеттерін 10 сағатқа дейін, ДШ-В 24 сағатқа дейін сақтайды.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл