Тұңғатар мешіті

Тұңғатар мешіті – Талас ауданының Аққұм ауылында жаңадан салынған мешіт. Аққұм ауылы осы аттас ортағасырлық көне қаланың орнына бой түзеген. Тарихи шежірелерге бай бұл өңірде Тұңғатар молданың немересі Төлебаев Архабек 1997 ж. 15 қыркүйегінде жаңа мешіттің құрылысын аяқтады. Жаңа ғимаратты қоршаған 5 га жер көгалдандырылып, түрліше сәндік ағаштар егілді. Мешіт бір мезгілде 500-ден аса адам намаз оқитын үлкен-үлкен 3 бөлмеден тұрады. Сыртқы безендірілуі Түркістандағы Қожа Ахмет Иасауи кесенесінің ою-өрнектеріне ұқсастырылып жасалынған. Азан шақыратын михрабтық мұнарасының биікт. 25 м. Ол айнала арабша жазулармен көмкерілген. Мешітте сондай-ақ, жас балаларға араб әріптерін үйреніп, діни сауат ашу жұмысы да жақсы жолға қойылған. С. Керімбекова