Тұңғыс-маньчжур тілдері

Тұңғыс-Маньчжур Тілдері – ежелден Шығыс Сібір мен Қиыр Шығысты мекендеген халықтар тілі.

Бұл тілдер тобына

• Эвенкі тілі (тұңғыс),
• Эвен тілі (ламут),
• негидаль тілі,
• ороч тілі,
• удэгей тілі,
• орок тілі,
• ульчи тілі,
• нанай халықтарының тілдері жатады.

Тұңғыс-маньчжур тілдері төмендегідей тармақтарға бөлінеді:

1. маньчжур тілі және оның сібір диалектілері, бұл топқа чжурчжэн өлі тілі жатады;
2. тұңғыс тармағы, ол іштей эвенкі, нанай тобына жіктеледі.

Тұңғыс-маньчжур тілдерінің кейбірі орыс, бурят, саха тілдерінің әсеріне ұшыраған. Маньчжурлар 16-ғасырдың аяқ кезінде моңғол жазуын қолданса, эвенкі, эвен, нанай, удэгейлердің жазуы 20 ғасырдың 20-жылдарының аяғына қарай латын әліпбиіне негізделген. 1936 жылы олар орыс әліпбиін қабылдаған.