Тәжишөп

Тәжишөп (Stephanocaryum) – айлауықтар тұқымдасына жататын көп жылдық өсімдіктер. Қазақстанда Батыс Тянь-Шаньның альпілік және субальпілік белдеулеріндегі әктасты жартастарда өсетін монотиптік бір түрі – Ольга тәжішөбі (S. Olgae) бар. Оның биіктігі 5 – 15 см. Тамыры борпылдақ шым түзеді, одан көптеген қоңырқай түсті бұтақтар өсіп шығады. Сабақтары жіңішке, сыртын селдір түк жапқан немесе тықыр болады. Жапырақтары жұмыртқа тәрізді, сабаққа қарама-қарсы орналасады. Гүл сағағы жоғарғы жапырақтың қолтығында жетіледі. Бір сабақта 2 – 7-ден гүл болады. Тостағанша жапырақшаларының ұзындығы 4 мм, түкті, күлтесі ашық көкшіл түсті. Аналық мойны ұзын, жіп тәрізді. Маусым айынан тамызға дейін гүлдеп, тамыз аяғында жеміс береді. Жемісі – сопақша жаңғақ.