Тәуіп Хо Жун (телехикая)

	Тәуіп Хо Жун; кор. 허준
Жанры	тарихи драма
Өндіріс	MBC Self production
Рөлдерде	Чон Кван Рёл; Хван Су Жон; Ли Сон-же
Мемлекет	Корея Республикасы
Тілі	корей
Маусымдар саны	1
Сериялар саны	64
Өндіріс
Режиссёрі	Ли Бён Хун
Операторы	Ким Ёң Чуль
Сценарист	Чхве Ван Гю
Серия ұзақтығы	60 мин.
Статус	аяқталған
Хабар тарату
Телеарна	MBC TV
Таратылым кезеңі	22 қараша, 1999 — 27 маусым, 2000
	өңдеу

Тәуіп Хо Жун (кор. 허준) — Чосон дәуіріндегі дәрігер Хо Жунның өмірі туралы баяндайтын Оңтүстік Корея телехикаясы. Бұл драма MBC арнасында 1999 жылдың 22 қарашасынан 2000 жылдың 27 маусымына дейін көрсетілді және 64%-дық рекордтық көрермен рейтингтеріне жетті. ^[1]

Халықаралық деңгейде бұл телехикая: 2002 жылы Тайвань телевидениесінде, 2005 жылы Гонконгтың TVB арнасында (ол кезде дәл осы «Тәуіп Хо Жун» телехикаясының режиссері Ли Бён Хун түсірген «Тхэ Чан Гым» сериалынан кейін) көрсетілді. Екі телехикаяның басты кейіпкерлері ұқсас болғандықтан, «Тәуіп Хо Жун» жиі «ерлерге арналған Тхэ Чан Гым» деп аталады.

Сонымен қатар, бұл телехикая 2006 жылы Тайландтың Channel 3 арнасында көрсетілді. ^[2]. 2009 жылы Қазақстанда Қазақстан ұлттық телеарнасында көрсетілді.

Мазмұны

Оқиға Чосон дәуірінде, Сонджо патшаның билік құрған кезеңінде, Чан Гым қайтыс болғаннан кейін 50 жыл өткен соң өрбиді (Чан Гым – Чосондағы алғашқы әйел дәрігер деп есептеледі).

Хо Жун төменгі таптан шыққан, яғни «қол тимейтін» (тұқымы лас) анадан туған. Анасының әлеуметтік мәртебесіне байланысты, сол кездегі Чосон заңына сай, ол да санном (төменгі таптың адамы) деп есептелген. Ал әкесі – билеуші таптың өкілі әрі жергілікті әкім болған. Осы әлеуметтік теңсіздік Хо Жунға қатты әсер етіп, өмірден өз орнын таба алмай, бір кездері контрабандаға араласады. Осы кезде ол қуғындалған асыл текті әйел Тахи есімді қызбен танысады. Оның әкесі опасыз деп танылып, жер аударылып өлген. Хо Жун оған жанашырлық танытып, әкесінің жерлеу рәсімін ұйымдастырады. Кейін Хо Жунның контрабандалық әрекеттері әшкереленіп, әкесі оны, анасын және Тахиді құтқарып, оларды басқа қалаға жасырын алып кетеді. Осыдан кейін Хо Жун мен Тахи үйленіп, Кёнсан аймағындағы Саным қаласына қоныс аударады. Бір күні анасы қатты ауырып қалады. Хо Жун әйгілі дәрігер Ю Ыйтэ-ге жүгінеді. Осылайша ол медицинаға қызығушылық танытып, Ю Ыйтэнің шәкірті болады. Зерек әрі еңбекқор Хо Жун жылдам дамиды. Оған дәрілік өсімдіктерді қолдануды үйреткен жетім қыз Йе Джин де көмек көрсетеді.

Уақыт өте келе Хо Жун шебер дәрігерге айналады. Бірінші науқасы – өз-өзіне қол жұмсамақ болған қызды тірілтуі еді. Ол ем үшін ақы алмай, бұл туралы хабар ел арасына тарап кетеді. Көп ұзамай ол кедей науқастарды тегін емдей бастайды. Басында Ю Ыйтэ ашуланса да, Хо Жунның диагноздары мен емін тексеріп, оның шын мәнінде білікті дәрігер екенін мойындайды. Кейін ол Хо Жунға дәріхананы сеніп тапсырады.

Бірде Хо Жун жоғары лауазымды адамның қояншықпен ауырған әйелін емдеп, оны толық айықтырады. Бұл жетістігі оған Императорлық госпитальге жолдама әкеледі. Бірақ ұстазы Ю Ыйтэ бұны этикаға қайшы деп қабылдап, ренжиді.

Хо Жун медициналық емтиханға қатысу үшін Ханянға (қазіргі Сеул) келеді. Бірақ ол ауыр науқас адамды емдеу үшін емтиханға қатыспай қояды. Бұл шешімі оны ел ішінде танымал етеді. Керісінше, Ю Ыйтэнің ұлы – Ю До-джи бірінші орынды иеленгенімен, әкесінен сын естиді.

Көп ұзамай Ю Ыйтэ асқазан обырына шалдығып, өзін Хо Жунға анатомиялық зерттеу үшін қалдырып, өз-өзіне қол салады. Осы зерттеудің арқасында Хо Джун адам денесінің құрылымын дәл сыза білген алғашқы дәрігер болады. Бұл білім оны Императорлық госпитальге емтихан арқылы бірінші орынмен кіргізеді. Алайда, ол жақта Ю Ыйтэнің ұлы Ю До-джимен және оың бұрынғы қарсыласы, бас дәрігер Ёнмен кездеседі. Ён оны төмен қызметке тағайындайды. Бірақ бірде патшаның тоқалының ағасы ауыр науқастанып қалады. Барлық дәрігерлер емдей алмаған соң, Хо Жун оны бес күн ішінде емдеп жазады. Осыдан кейін Ённің шектеулері алынады.

Сонджо патшаның билігінің 22-жылдығында эпидемия басталады. Хо Жун ауруға ем іздеп, ақыры табады. Бірақ бұрынғы қылмысы үшін айдалады. Кейін патшаның көңілдесі Ким Гон бин ауыр науқастанғанда, Хо Жун қайта шақырылып, емдеп шығарады. Патша оны кешіріп, сарай дәрігері етеді. Патша қайтыс болғанда, жаңа патша Кванхе гун ван заң бойынша Хо Жунды сатқын деп тануға мәжбүр болады, бірақ оның еңбектерін ескеріп, тек оңтүстікке жер аударады. Сол жақта Хо Жун «Тонъый богам» (Шығыс медицинасындағы айна) атты әйгілі медициналық еңбегін жазады.

1611 жылы Кванхэгун Хо Жунды кешіріп, сарайға қайтармақ болады. Бірақ Хо Жун бас тартып, ел аралап, халықты емдеумен айналысады. 1615 жылы елде оба тараған кезде, Хо Жун қайта шақырылып, ем табады, бірақ өзі де ауруға шалдығып, қайтыс болады. Телехикая оның қабіріне келіп, "көріскенше" дейтін Йе Джиннің сөздерімен аяқталады.

Басты рөлдерде

Чон Кван Рёль – Хо Жун
Хван Су Чжон – Леди Йе-джин
Ли Сун Чжэ – Ю Ыйтэ (Хо Жунның ұстазы)
Ким Бён Сэ – Ю До Джи (Ю Ыйтэнің ұлы)
Чон Ук – Ким Мин Сэ
Чон Хе Сон – Сон ханым (Хо Жунның анасы)
Хон Чун Мин – Ли Да Хи (Хо Жунның әйелі)
Чу Хён – Хо Рён (Хо Жунның әкесі)
Чо Кён Хван – Ян Е Су
Пак Чан Хван – Сонджо патша
Чан Со Хи – Ким Ин бин (патшаның көңілдесі)
Пак Чжу Ми – Ким Гон бин (патшаның басқа көңілдесі)
Ким Сын Су – Гванхэгүн ханзада

Қосымша кейіпкерлер:

Им Хён Сик – Им О Гын (Ю Ыйтэнің хатшысы)
Пак Чжон Су – О ханым (Ю Ыйтэнің әйелі)
Сон Хён А – дәріханашы Со Хён
Ли Хи До – Ку Иль Со
Чхве Ран – Хон Чун
Хан Ин Су – Ан Кван Ик
Ким Ын Су – Со Би
Им Дэ Хо – Ян Тэ
Им Хо – Ли Чжон Мён
Ё Хён Су – Ким Сан Хва
Квак Чжон Ук – бала Сан Хва
Мэн Сан Хун – Ким Ман Кён
Пён Хи Бон – Сон Ин Чхоль
Пак Ён Чжи – Чон Сон Пиль
Ли Чжэ По – Пак Ман Чжу
Ким Хэ Сук – Хам Анның әйелі
Чха Кван Су – Сон Мён Хун
Ом Ю Син – Док Кым
Ли Хён Кён – Се Хи
Ли Чжу Хи – Чхэ Сон
О Тхэ Кён – Хо Гём
Чхве Ын Чжу – Он Нён И
Ли Сук – Ха Донның әйелі
Квон Ён У – Су Ён
Чжон Хо Гын – Чон Тэ Ын
Чжон Мён Хван – Бэ Чун Су
Чо Хён Сук – Сук Чжон
Чжу Мин Чжун – Ким Бён Чжо
Пак Чон Кван – Чжон Чжак
Мун Хи Вон – Сон Хак Гю
Чжон Сын Хо – Чан Хак До
Ли Ён Хо – Гон биннің інісі
Ким Чжу Ён – сарай күзетшісі
Ким Ён Мин – Бён Джа
Ли Ю Ри – сарай күтушілерінің бірі

Қабылдануы

Оңтүстік Кореядағы көрсетілім кезінде «Тәуіп Хо Жун» телехикаясы үлкен коммерциялық табысқа жетті. TVB арнасы «Тәуіп Хо Жун» хикаясын сатып алғанда, бұл жобаға үлкен үміт артты. Себебі ол «Чан Гымнің асханасы» телехикаясының соңғы бөлімінен кейін бірден эфирге шықты, ал ол өз кезегінде аса танымал болған еді. Алайда көрермендердің «Тәуіп Хо Жунға» деген қызығушылығы төмен болды, рейтингтері «Чан Гымнің асханасынан» әлдеқайда төмен болды. Бұл жағдай корей толқыны (Korean Wave) әлсірей бастады деген алаңдаушылық тудырды. Көпшілік көрермендер «Тәуіп Хо Жунның» сюжеті баяу, әрі қызықсыз деп сын айтты. Сонымен қатар, «Чан Гымнің асханасында» ойнаған актерлер «Хо Жунда» мүлде басқа рөлдерде көрінді (мысалы, император – құқық қорғаушы, Чан Гымнің тәлімгері – сарай аспазы ретінде). Бұл жағдай, әсіресе, «Хо Жунның» «Чан Гымнен» бұрын түсірілгенін білмеген Оңтүстік Кореядан тыс көрермендердің теріс пікірлеріне себеп болды.

2012 жылы «Тәуіп Хо Жун» телехикаясы Ирактың Күрдістан аймағында 90%-дан астам көрілім жинады деген хабар тарады. Басты рөлді сомдаған актер Чон Кван Рёль Ирактың бірінші ханымы Херо Ибрахим Ахмедтің арнайы шақыртуымен Сүлеймания қаласына ресми сапармен шақырылды.^[3]

Ремейк

2013 жылы бұл хикаяның "Хо Жун: Бастапқы тарих" (корейше: 구암 허준 Guam Heo Jun) деп аталатын ремейкі түсірілді. Бұл нұсқа күнделікті көрсетілім форматында эфирге шықты. Басты рөлде марқұм актер Ким Джу Хёк ойнады. Айта кетерлігі, оның әкесі, Ким Му Сэн, 1975 жылғы нұсқада дәл осы рөлді сомдаған болатын. ^[4]^[5]^[6]

Дереккөздер

↑ Huh Joon – คนดีที่โลกรอ หมอโฮจุน(Thai). blike.net. (September 5, 2015).
↑ Lee, Sang-min Historical Drama and Future. KOFICE WebZine. (February 2013). Басты дереккөзінен мұрағатталған 24 наурыз 2014. Тексерілді, 24 наурыз 2014.
↑ Korean Wave Finds Welcome in Iraq. Korea.net. Korean Culture and Information Service. (July 13, 2012). Басты дереккөзінен мұрағатталған 12 қазан 2012.
↑ Kang, Hyo-jin Kim Joo Hyuk seeks to bring his new interpretation of Heo Jun in Gu Am Heo Jun. Korea Star Daily via Yahoo!. (March 6, 2013). Басты дереккөзінен мұрағатталған 1 тамыз 2013. Тексерілді, 20 наурыз 2013.
↑ Hur Jun, the Original Story script reading of MBC's new drama series. MBC Global Media. (March 7, 2013). Тексерілді, 20 наурыз 2013.
↑ Oh, Jean Period piece overload? Spring drama lineup goes heavy on historical settings. The Korea Herald. (March 13, 2013). Басты дереккөзінен мұрағатталған 3 наурыз 2016. Тексерілді, 20 наурыз 2013.

Сілтемелер

[1] Huh Joon – คนดีที่โลกรอ หมอโฮจุน(Thai). blike.net. (September 5, 2015).

[2] Lee, Sang-min Historical Drama and Future. KOFICE WebZine. (February 2013). Басты дереккөзінен мұрағатталған 24 наурыз 2014. Тексерілді, 24 наурыз 2014.

[Kwon_Jungyun-3] Korean Wave Finds Welcome in Iraq. Korea.net. Korean Culture and Information Service. (July 13, 2012). Басты дереккөзінен мұрағатталған 12 қазан 2012.

[4] Kang, Hyo-jin Kim Joo Hyuk seeks to bring his new interpretation of Heo Jun in Gu Am Heo Jun. Korea Star Daily via Yahoo!. (March 6, 2013). Басты дереккөзінен мұрағатталған 1 тамыз 2013. Тексерілді, 20 наурыз 2013.

[5] Hur Jun, the Original Story script reading of MBC's new drama series. MBC Global Media. (March 7, 2013). Тексерілді, 20 наурыз 2013.

[6] Oh, Jean Period piece overload? Spring drama lineup goes heavy on historical settings. The Korea Herald. (March 13, 2013). Басты дереккөзінен мұрағатталған 3 наурыз 2016. Тексерілді, 20 наурыз 2013.

[1]

[2]

[3]

[4]

[5]

[6]