Төлеген Шәріпұлы Таңатаров

Уикипедия — ашық энциклопедиясынан алынған мәлімет
Jump to navigation Jump to search

Төлеген Шәріпұлы Таңатаров - 1948 жылы 27 қаңтарда Ақтөбе облысы Қобда ауданының Қызыл ту ауылында туған. Қазақ. Әкесі - Таңатаров Шәріп, ¥ОС ардагері. Анасы - Таңатарова Сұлу, үй шаруасымен айналысады. Ойыл мамандандырылған кәсіптік техникалық училищесін (1967); Темір индустриалдық-педагогикалық техникумын (1971); Алматы темір жолы көлігінің инженерлері институтын (1990) инженер-құрылысшы мамандығы бойынша бітірген. Қазақ және орыс тілдерін біледі. «Нұр Отан» ХДП мүшесі. 1966 жылдан - Ойыл аудандық комсомол комитетінің жүргізушісі, Ойыл ауданындағы №196 мамандандырылған кәсіби техникалық училищесінде өндірістік оқыту бөлімінің шебері (Ақтөбе облысы). 1974 жылдан - ірі құрылыс саласында түрлі қызметтер бойынша жұмыс істейді, оның ішінде мекеменің бірінші басшысы қызметін 30 жыл бойы атқарып келеді. Қазіргі уақытта - «TransMostGroup» ЖШС бас директоры. Ақтөбе қалалық мәслихатының 5-ші шақырылым депутаты, «Нұр Отан» ХДП ұсынған. «Құрмeт» орденімен; «Астананың 10 жылдығы» медалімен (2008); ҚР Еңбек және халықты әлеуметтік қорғау министрлігі өткізген «Парыз-2009» бизнестің әлеуметтік жауапкершілігі жөніндегі сайысында «Жылдың үздік әлеуметтік жобасы» номинациясы бойынша Алтын лауреат атағын алып, ҚР Президенті Н.Ә. Назарбаевтың дипломымен марапатталған (2009). Қазақстанның Еңбек сіңірген қайраткері. Қазақстанның Құрмөтті құрылысшысы (2008). Қазақстанның болашағы туралы болжамы - «Жарқын». Хоббиі - спорт, бильярд. Сүйіп оқитын әдебиеті - кітап оқу, саяси газеттер. Үйленген. Жүбайы - Таңатарова Мағрипа, қонақ үй директоры. 3 баласы, 5 немересі бар.[1]

Дереккөздер[өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2