Төлеутай Сатайұлы Рақымбеков

Уикипедия — ашық энциклопедиясынан алынған мәлімет
Jump to navigation Jump to search

Төлеутай Сатайұлы Рақымбеков 1964 жылы 19 шілдеде Қарағанды облысы Жаңаарқа ауданының Атасу қала типтес кентінде туған. Арғын тайпасы Қуандық руы Алтай-Тоқа тармағынан шыққан. Қазақ ауылшаруашылық институтын (1986) инженер- механик мамандығы бойынша үздік; Бүкілодақтық ауыл шаруашылығын электрлендіру ғылыми-зерттеу институтының аспирантурасын (Мәскеу қаласы, 1992); Е.А. Бөкетов атындағы Қарағанды мемлекеттік университетін (2001) заңгер мамандығы бойынша бітірген. Экономика ғылымдарының докторы (2005). Докторлық диссертациясының тақырыбы: «Қазақстан АӨК өңдеу кешендерін қалыптастыру және дамыту». 1986 жылдан - Қазақ ауылшаруашылық институтының кіші ғылыми қызметкері, аспиранты. 1987 жылдан - Жезқазған облысы Жаңаарқа ауыл шаруашылығын механикаландыру және материалдық-техникалық жабдықтау кәсіпорнының (ауданауылшартехника) инженер-ақау жөндеушісі, цех шебері, аға бақылаушы шебері, аға инженер-технологы. 1989 жылдан - Бүкілодақтық ауыл шаруашылығын электр- лендіру ғылыми-зерттеу институтының аспиранты. 1992 жылдан - «Жазира» ШЖК директоры, «Дана» ШЖК директоры, «ДанаБизнес» шағын бизнес орталығы» АҚ президенті, «Жезқазған облыстық шағын және орта бизнес орталығы» ЖШС бас директоры. 1999 жылдан - Қарағанды облысы Сәтбаев қаласы әкімінің орынбасары. 2001 жылдан - О.А. Байқоңыров атындағы Жезқазған университетінің кафедра доценті. 2002 жылдан - ҚР Ауыл шаруашылығы министрлігінің Басқарма бастығы, Департамент директоры. 2006 жылдан - ҚР Көлікжәне комму- никациялар министрлігінің Департамент директоры. 2007 жылдан - ҚР Ауыл шаруашылық министрлігі жанындағы «ҚазАгроИнновация» АҚ президенті. 2009 жылдың наурызынан - ҚР Премьер-министрі орынбасарының кеңесшісі. 2009 жылдың қарашасынан - «Қазақстан тұрғын үй-коммуналдық шаруашылығын модернизациялау және дамыту ортағы» АҚ басқарма төрағасы. 2009 жылдың желтоқсанынан бері - Қарағанды облысы әкімінің орынбасары. Қарағанды облыстық мәслихатының депутаты (1999-2003). 2 медальмен, ҚР Құрмет грамотасымен марапатталған. Үйленген. Жұбайы - Рахымбекова Салтанат Темірқұлқызы. Қыздары - Әлия (1987 жылы туған), Айбота (1996 жылы туған).[1]

Дереккөздер[өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2