Төле би атындағы көше (Алматы)

Уикипедия — ашық энциклопедиясынан алынған мәлімет
Jump to navigation Jump to search
Төле Әлібекұлы

Көшеге аса көрнекті қоғам қайраткері, ұлы жүздің биі, «Жеті жарғы» заңдар жинағы авторларының бірі, шешен және ақын, қара қылды қақ жарған әділ би Төле би Әлібекұлының есімі (Алматы қаласы әкімінің 17.07.1992 № 294 шешімі) берілген. Төле Әлібекұлы (1663-1756) Жамбыл облысының Жайсаң шатқалында дүниеге келген. Ұлы жүздің ханы Жолбарыс қайтыс болғаннан кейін Ташкентті алты жыл (1743-1749) бойы басқарған. Ол Тәуке хан өсиеттерінің негізгі ережелерін қайталай отырып, оларды, атап айтқанда, жер даулары, барымта мен ұрлық, құн (кінәсі үшін төлем төлеу, айыбын тарту, орнын толтыру) жөніндегі мәселелерді, балаларды тәрбиелеу, Отанды қорғау, жер жөніндегі дауларды шешуді ісжүзіне асыруды қолға алған.

Көше Әуезов, Медеу, Алмалы аудандарында орналасқан. Кіші Алматы өзенінен басталып, «Ақсай» шағын ауданына дейін созылып жатыр. Онда алғашқы трамвай жолы 1937 жылы салынған. Бұрынғы атаулары:

  • а) Гимназия;
  • ә) Комсомол көшелері.

Көшенің ұзындығы - 12000 метр.

Көше бойында Жамбыл атындағы Қазақ Мемлекетік филармониясы, «Алатау» кинотеатры, Қазақстан-Британ техникалық университеті, Қазақ Мемлекеттік медицина университеті, Қазақ орфольмотология ғылыми-зерттеу институты, Алматы технологиялық университеті, Алматы кілем фабрикасы, Алматы қалалық мәдениет басқармасы, «Тіл» оқу-әдістемелік орталығы, Сайран көлі орналасқан.[1]

Дереккөздер[өңдеу]

  1. Алматы көшелері. Анықтамалық энциклопедия. – Алматы: «ИП Волошин» баспасы, 2009. ISBN 978-601-7157-18-0