Төреғали Төреəліұлы
| Төреғали Төреәліұлы Әлиханов | |
| Туған күні | |
|---|---|
| Туған жері | |
| Белсенділік жылдары |
2010—қазіргі күн |
| Мемлекет | |
| Мамандықтары | |
| Жанрлары | |
| Лақап аттары |
Төреғали Төреәлі |
Төреғали Төреәліұлы Әлиханов (14 қазан 1992 жыл, Байқоңыр) — қазақстандық тинпоп жанрының әншісі.
Өмірбаяны
[өңдеу | қайнарын өңдеу]Төреғали Төреәлі 1992 жылдың 14 қазан күні, Байқоңыр қаласында дүниеге келген, 2009 жылы Ю. Гагарин атындағы 8-мектеп бітірген.[1]
Алматы қаласындағы Т. Жүргенов атындағы Өнер академиясының колледжін актер мамандығы бойынша тәмамдаған (2009—2011).
Төреғали Төреәлі мансабын айтыстарға қатысып бастаған. Айтысқа қатысуының басталғанына 4 жыл өткенде республикалық айтыстарда 4 темір тұлпар мінген.[2]
Эстрадаға көшкені досы Қайнар Алагөзовтің сөзіне жазылған сазгер Шымберген Сүлейменовтің "Іздеме" әнінен бастаған. Мансабында кейінірек орындаған әндердің үлкен бөлігі де Қайнар Алагөзов жазған әндер екені белгілі.[2]
Жеке өмірі
[өңдеу | қайнарын өңдеу]Төреғали Төреәлінің продюсері — әкесі Төреәлі Төлепов. Анасы Аягөз Төлепова — орыс тілі пәнінің ұстазы. Төреәліұлының Фариза және Дина есімді екі қарындасы бар.[2]
Төреғали Төреәлі үйленген, екі қыздың әкесі болып келеді.
Сын
[өңдеу | қайнарын өңдеу]«Алло» әні жайлы дау
[өңдеу | қайнарын өңдеу]Төреғали Төреәлі мен Ерке Есмаханмен бірге орындаған «Алло» әні екі әншінің танымалдылығына үлкен әсер етті.
Төреғали Төреәліұлының әкесі, әрі продюсері Төреәлі Төлепов Ерке Есмахан жайлы сыни пікір айтты:[2]
|
Ерке Есмахан Төреғалидің арқасында танылды, қанша жыл сахнада жүрсе де, бұған дейін оны ешкім білмеді. | 
|
Төлеповтің осы даулы пікірі үшін Есмаханның сол кездегі продюсері Баян Мақсатқызы «Алло» әнінің фильм түріндегі жалғасын жасау жайлы жоспарларын бұзды, Есмаханға әнді орындауға тыйым салынды.[2]
Павлодардағы концерті
[өңдеу | қайнарын өңдеу]2017 жылдың 21 желтоқсан күні Төреәлінің Павлодардағы концерті кезінде «Ұнамай ма? Шығып кетіңіз» деген қарияға айтылған дөрекі сөзі үшін сынға алынды.[3][2]
Павлодар облысының билігі Төреәліні концерттерге шақырудан бас тартатынын айтқан[4] және мәдениет министрі Арыстанбек Мұхамедиұлы бұған қатысты шара қолданылатынын айтып кеткен, және Төреғалиді ісі үшін сынға алды.[2][5]
2023 жылы сотталуы
[өңдеу | қайнарын өңдеу]2023 жылдың маусымында Төреғали Төреәліұлының есірткіге мас күйінде көлік жүргізуі және оның полициямен тоқтатылуы көрсетілген видео қоғам назарына түсті.[6] Әншінің адвокаттары оның мас күйінде болғанын мойындамады, тек оның жол ережесін бұзғанын мойындады.[7]
Инцидент нәтижесінде 14 маусым күні Төреғали Төреәлі қамауға алынып, көлік жүргізу құқығынан 7 жылға айырылды.[8]
15 маусым күні Төреәлінің адвокаты Эльнура Кішкенебаева өзінің Instagram парақшасында әншінің ауруханаға жеткізілгенін мәлімдеді.[9]
16 маусым күні Төреәлінің 20 тәулік бойы изоляторда қамалуы және оған қарсы «билік өкілін қорлау (378-бап) қылмыстық құқық бұзушылық белгілері бойынша» қылмыстық іс қозғалғаны белгілі болды.[10]
Дереккөздер
[өңдеу | қайнарын өңдеу]- ↑ Төреғали Төреәлінің Facebook парақшасы (орыс.). Тексерілді, 16 маусым 2023.
- ↑ a b c d e f g Төреғали Төреәлі туралы қызықты деректер (қаз.). SPUTNIK (13 қыркүйек 2018). Тексерілді, 18 маусым 2023.
- ↑ Видео YouTube сайтында
- ↑ Павлодар облысының әкімшілігі Төреғали Төреәліні іс-шараларға шақыртудан бас тартты (қаз.). kazinform (25 желтоқсан 2017). Тексерілді, 18 маусым 2023.
- ↑ Министр Мұхамедиұлы Төреғали Төреәлінің даулы концертіне қатысты пікір білдірді (қаз.). Tengrinews (26 желтоқсан 2017). Тексерілді, 18 маусым 2023.
- ↑ Видео YouTube сайтында
- ↑ «Төреғали Төреәлі есірткіге мас болмаған»: адвокат мәлімдеме жасады (қаз.). ХАЛЫҚ ҮНІ (15 маусым 2023). Тексерілді, 18 маусым 2023.
- ↑ Төреғали Төреәлі қамауға алынып, 7 жылға көлік басқару құқығынан айырылды (қаз.). NUR.kz (14 маусым 2023). Тексерілді, 18 маусым 2023.
- ↑ Төреғали Төреәлі ауруханаға түсті (қаз.). Халық үні (15 маусым 2023). Тексерілді, 18 маусым 2023.
- ↑ НҰРЖАҚЫП, Олжас Әнші Төреғали Төреәлінің үстінен қылмыстық іс қозғалды (қаз.). stan.kz (16 маусым 2023). Тексерілді, 18 маусым 2023.
|
Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |