Төрткөл (көне қала орны)

Төрткөл қалашығы
Мәртебесі	Жамбыл облысының жергілікті маңызы бар тарих және мәдениет ескерткіші
Қазіргі жері	Қазақстан, Жамбыл облысы
Қалануы	VIII-XII ғасырлар

Төрткөл – көне қала орны, Жамбыл облысының жергілікті маңызы бар тарих және мәдениет ескерткіштерінің мемлекеттік тізіміне енген археологиялық ескерткіш.

Орналасқан жері

Талас ауданы, Бостандық ауылынан оңтүстік-шығысқа қарай 6 км қашықтықта, Тараз – Бостандық автомобиль жолының сол жағында орналасқан.

Сипаты

Қалашыққа 1980 жылы Жамбыл облыстық тарихи-өлкетану мұражайының экспедициясы (жетекшісі К. Байбосынов) тауып, алғашқы зерттеу жұмыстарын жүргізген.
Қаланың қазіргі орны биіктігі 2,5 м болатын төртбұрышты төбе. Әрбір сыртқы қабырғасының ұзындығы 80 м. Қаланың орталық бөлігінде күзет мұнараларының орындары сақталып қалған. Мұнаралардың диаметрі 5 м. Қала үш жағынан терең ормен қоршалған. Ордың ені 8 м, қазіргі тереңдігі 1,5 м.
Қала орнынан керамикалық ыдыстардың, әйнектердің сынығы, қоладан жасалған бұйымдар табылды. Қала VIII-XII ғасырларда ірі сауда орталығы болған.