Уеб-ТВ

Уикипедия — ашық энциклопедиясынан алынған мәлімет
Jump to navigation Jump to search

Уеб-ТВ – теледидарға қосылатын қосымша құралдан көп каналды байланыс желісі арқылы Интернетке шығып, телебағдарламаларды көруге мүмкіндік жасайды. [1]

Сол сияқты өзіңіз ұнатқан фильмге тапсырыс беріп, қолайлы уақытта көресіз. Телешоппинг принципімен сауда жасайсыз, мейрамханадан, қонақүйден орын алу сияқты операцияларды да жүзеге асырасыз. Бұл нағыз компьютер, теледидар мен Интернеттің біртұтастыққа жеткен үлгісі.

Соңғы уақытта қол телефондардың жетілуіне байланысты жаңа коммуникациялық мүмкіндіктерге ие болды. Солардың қатарында телевизиялық хабарларды қабылдау мүмкіндігі артты. Тіпті сандық хабарларды көру жүйесі қалыптасты. Мысалы, жаңалықтарды іріктеп, өзіңді қызықтыратындарын ғана таңдап көретін дәрежеге жеттік. Іздеу машинасы арқылы телеақпаратты сүзіп алып, соның ішінде қалағаныңды ғана көресің, өзгесіне уақыт шығындап жатпайсың.

Осыған байланысты Интернет қызметтері де дүниеге келді. Google жүйесінің тез дамуы осы технологияға негізделгенінде жатыр. Ол арқылы қалаған телехабарыңызды қолайлы уақытта ғана көріп қоймайсыз, бүкіл ақпараттық тасқынды өзіңіз басқарасыз, қажетінше пайдаланасыз. Мысалы, онлайн режимінде Жер серіктерінің көмегімен Жерді қашықтан көресіз, карталар мен жеке нысандарды қарайсыз деген сияқты шексіз мүмкіндіктерге жол ашылған.

Айталық, жолға шығар алдында GPRS картасына ғана назар аудармайсыз, көшелердегі көлік кептелісін де ескеріп, тиімді маршрутты таңдауыңыз мүмкін. You Tube қызметі де сіздің ұдайы ақпарат тасқынының бел ортасында болуыңызға арналған.

Дереккөздер[өңдеу]

  1. Қазақ телевизиясы. Энциклопедия. – Алматы: «ҚазАқпарат», 2009, 1-т. – 640 б. ISBN 978-601-03-0070-5ISBN 978-601-03-0070-5