|
Жақсы мақалалар - сапасы жақсы, бірақ әзірше таңдаулы мақала болып қабылданбаған мақалалар. Жақсы мақалалар үміткерлікке ұсыну процессін сәтті өте отыра, жақсы мақала критериялеріне сәйкес келеді. Қысқасы, олар өте жақсы жазылған, іс жүзінде нақты және сенімді мағлұматы бар, кең қамтылған, пікір жағынан бейтарап, тұрақты және мүмкіндігінше авторлық құқықты бұзбайтын суреттермен толықтырылған болуы тиіс. Жақсы мақалалар таңдаулы мақалалар сияқты терең, әрі ұзын болуы міндетті емес, дегенмен тақырыптың негізгі қыр-сырларын қамтуы керек. Келесі салыстыру жақсы және таңдаулы мақала айыпмашылықтарын сипаттайды. [1]
Мақалаға "жақсы" деген жұлдызша беру процессі қарапайым. Егер қандай да бір мақаланы жақсы деп тапсаңыз, оны Уикипедияның дауыс беру бетіне ұсына аласыз. Сайлаушылар тарапынан ұсынған мақалаңыз таңдалса, ол Уикипедияның жақсы мақалалар тізіміне қосылады. Қарсы жағдайда, қажетті жақсарту ұсыныстары мақаланың талқылау бетіне жазылуы тиіс. [2]
Қазір Уикипедияда қазақ тілінде жазылған 223 636 мақала бар. Оның ішінде 17 жақсы мақала бар.
Мақаланың жоғарғы жағында, оң жақта тұрған кішкене күміс жұлдызша ( ) мақаланың жақсы екенін көрсетеді.
Жақында таңдалған мақалалар
|
Аристотель (көне грекше:Ἀριστοτέλης; б.з.б. 384 ж., Стагира (Орталық Македония), Халкидики түбегі — б.з.б. 322 ж. 7 наурыз, Халкида, Эвбея аралы) — ежелгі грек философы, Платонның шәкірті, Ескендір Зұлқарнайынның (ұлы Александр) ұстазы, «адамзаттың бірінші ұстазы» деген құрметті атаққа ие.
Ол ғылым мен парасаттың көптеген тақырыптарын жүйелі әрі жан-жақтылы зерделеп, жаратылыс пен өмірдің түрлі құбылыстарына нақты ғылыми зерттеулер жасап, артына сүбелі еңбектер жазып қалдырды. Аристотель ғылымның көптеген саласының алғашқы негізін қалады, олардың арасында физика, метафизика, поэтика, театр, музыка, логика, риторика (шешендік өнері), саясат, этика, эстетика, биология, зоология және экономика қатарлылар айрықша аталады. Ол қалдырған философиялық пайым жүйесі мен ғылыми зерттеу дәстүрі кейінгі мұсылмандық және христиандық мәдениетке, шығыс-батыс өркениетіне айрықша ықпал етті.
(толығырақ ...)
|
Джек Филлипс немесе Джон Джордж «Джек» Филлипс (ағылш. John George “Jack” Phillips, 11 сәуір 1887 жыл, Фарнкомб, Суррей, Англия — 15 сәуір 1912 жыл, Атлант мұхиты), «Титаник» бортында болған аға радист және тарихта ең бірінші болып S.O.S. халықаралық құтқару туралы сигналын жіберген оператор.
Джек Филлипс 1887 жылдың 11 сәуірінде Суррей графтығындағы Фарнкомб қаласында, кездеме дүкенінің үстінде орналасқан бөлемеде дүниеге келген. Оның әкесі, Альфред Филлипс, өзінің жұбайы Аннамен бірге осы дүкенді басқарды. Джек дүниеге келген кезде, отбасында 13 жастағы Элси және Этель егіз қыздар болған.
(толығырақ ...)
|
|
Мигель Анхел Котто (ис. Miguel Angel Cotto; 29 қазан 1980, Кагуас, Пуэрто-Рико) — бірінші орта салмақта өнер көрсететін пуэрториколық кәсіпқой боксшы. 2000 жылғы Пуэрто-Рико ұлттық құрамасының мүшесі. Бірінші жартылай орта (WBO тұжырымы, 2004—2006 жылдар), жартылай орта (WBA тұжырымы, 2006—2009 жылдар), бірінші орта (WBA тұжырымы, 2010—2012 жылдар) және орта салмақтағы (WBC тұжырымы, 2014—қазіргі уақыт) әлем чемпионы. 4 бірдей салмақ дәрежесінде чемпиондық атақтар жеңіп алған пуэрториколық бірден-бір боксшы.
(толығырақ ...)
|
Квентин Джером Тарантино (ағылш. Quentin Jerome Tarantino; 27 наурыз 1963, Ноксвилл, Теннесси, АҚШ) — америкалық кинорежиссёр, сценарийші, кинооператор, актер және кинопродюсер. Кинодағы постмодернизмнің ең көрнекті өкілдерінің бірі. Тарантино 1994 жылы «Қойыртпақ шығармасы» (Pulp Fiction) фильмі шыққаннан кейін әлемге әйгілі болды. «Канн кинофестивалінің» «Алтын пальма бұтағы» (1994), «Оскар» (1995, 2013), «Алтын глобус» (1995, 2013), «BAFTA» (1995, 2013) және тағы басқа көптенген марапаттарының лауреаты. «The Guardian» журналы оны әлемдегі ең үздік 40 режиссерлердің тізімінде 17 орынға қойды.
(толығырақ ...)
|
Дереккөздер
- ↑ Wikipedia:Good articles // Ағылшынша Уикипедия (GFDL лицензиясы қайнаркөз өңдемелерінің тарихы). Қазақшаға аударылған күні: 24 шілде 2013 жыл
- ↑ Wikipedia:Good articles // Ағылшынша Уикипедия (GFDL лицензиясы қайнаркөз өңдемелерінің тарихы). Қазақшаға аударылған күні: 24 шілде 2013 жыл
|
|