Уильям Петти

Уикипедия — ашық энциклопедиясынан алынған мәлімет
Навигацияға өту Іздеуге өту
Уильям Петти
William Petty
Туған күні

27 мамыр 1623 (1623-05-27)

Туған жері

Ромси, Ұлыбритания

Қайтыс болған күні

16 желтоқсан 1687 (1687-12-16) (64 жас)

Қайтыс болған жері

Лондон, Ұлыбритания

Ғылыми аясы

экономика

Альма-матер

Оксфорд университеті

Несімен белгілі

Статистик, демограф, классикалық саяси экономист

Уильям Петти (Вильям Петти; ағылш. William Petty; 16231687) — ағылшын экономисті, буржуазиялық классикалық саяси экономияның атасы. Ұсақ қолөнершінің отбасында дүниеге келді. Лейден, Париж және Оксфорд университеттерінде медициналық білім алды. 1647 жылы көшірмелеуіш машинаны ойлап шығарды, 1649 жылы физика докторы дәрежесін алды, ал 1651 жылы анатомия мен музыка профессоры болды. Петтидің ең басты еңбектері: «Салықтар мен алымдар жөніндегі трактат» (1662), «Данышпандарға арналған сөз» (1665), «Ирландияның саяси анатомиясы» (1672) , «Саяси арифметика» (1683) т. б. Петтидің бұрынырақ жазылған еңбектерінде м е р кантелизм идеясының ықпалы басым болды, ал кейінгі еңбектерінде, әсіресе «Ақша жайында бірер сөзінде» (1682) олардың ықпалынан арылды. Меркантелистерден өзгеше Петти байлықтың көзін айналыс саласы емес, өндіріс саласы деп санады. Қоғамның экономикалық дамуын Петти объективті материалдық заңдармен байланыстырды. Петти —құнның еңбек теориясының тұңғыш авторы. Ол құнды жұмсалған еңбекпен анықтады, құн мөлшерінің еңбек өнімділігімен сандық байланысын белгіледі. Петти экономистердің ішінде бірінші болып дифференциал жер рентасы туралы мәселені көтерді. Жер бағасы жөніндегі мәселені де ғылыми тұрғыдан қойды. Петтидің ілімі бүтіндей алғанда сипаттау мағынасында болды, алайда экономикалық құбылыстарды талдау кезінде олардың мәнін ашуға жақындай түседі.[1]

Дереккөздер[өңдеу | қайнарын өңдеу]

  1. Қазақ Совет Энциклопедиясы , 9 том