Уинстон Черчилль

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Сэр Уинстон Леонард Спенсер-Черчилль
Уинстон Черчилль
Лауазымы
Ту
Құрама Патшалықтың премьер-министрі
1951 жылғы қазанның 26-сы — 1955 жылғы сәуірдің 7-сі
Монарх: VI-шы Георг
II-ші Елизавета
Ізашары: Клемент Эттли
Ізбасары: Энтони Иден
1940 жылғы мамырдың 10-ы — 1945 жылғы шілденің 27-сі
Монарх: VI-шы Георг
Ізашары: Невилл Чемберлен
Ізбасары: Клемент Эттли
Қазынашылық канцлері
1924 жылғы қарашаның 6-сы — 1929 жылғы маусымның 4-і
Премьер-Министр: Стэнли Болдуин
Ізашары: Филип Сноуден
Ізбасары: Филип Сноуден
Ту
Ішкі істер министрі
1910 жылғы ақпанны 19-ы — 1911 жылғы қазанның 24-і
Премьер-Министр: Герберт Герни Асквит
Ізашары: Герберт Гладстоун
Ізбасары: Реджинальд МакКенна
Өмірбаяны
Партиясы: консервативті
(1900–1904, 1924–1964)
либералды
(1904–1924)
Мамандығы: Парламент мүшесі, әскери, жазушы
Азаматтығы: британиялық
Діні: англикан
Қайтыс болуы: 1965 ж. қаңтардың 24 (90 жаста)
Гайд парк, Лондон, Англия
Жерленді: Әулие Мартин шіркеуі, Блейдон
Жұбайы: Клементин Черчилль
Балалары: ұлы: Рэндольф

қыздары: Диана, Сара, Маригольд және Мэри

Қолтаңбасы: Қолтаңбасы
Марапаттары: Nobel prize medal.svg Әдебиет саласындағы Нобель сыйлығы (1953)

Сэр Уинстон Леонард Спенсер-Черчилль (ағылш. Sir Winston Leonard Spencer-Churchill, (30 қараша 1874 жыл, Бленһайм, Оксфордшир Англия24 қаңтар 1965 жыл, Лондон, Англия) — көрнекті британиялық мемлекет қайраткері, екінші дүниежүзілік соғыс кезінде Құрама Патшалыққа жүргізген жетекшілігі арқылы белгілі. 1940-1945 және 1951-1955 жылдары Құрама Патшалықтың премьер-министрі қызметін атқарған, сонымен бірге көрнекті саясаткер, шешен, әскери офицер, тарихшы, Нобель сыйлығына ие болған жазушы және әуесқой суретші ретінде де танымал.

Өмірбаяны[өңдеу]

Уинстон Черчилль 1874 жылдың 30 қарашасында Blenheim сарайы, Мальборо герцогтардың (Спенсер әулеті) атақонысы Бленһайм сарайында (Оксфордшир, Англия) дүниеге келген. Черчилльдің әкесі - лорд Рэндольф Генри Спенсер Черчилль, Мальборо әулетінің 7-ші герцогының үшінші ұлы, атақты саясаткер болған: ол консервативтік партиясының қауымдар палатасының мүшесі және Қазынашылық канцлер қызметін атқарған. Ана - леди Рэндольф Черчилль, қыз кезінде Дженни Джером (ағыл. Jennie Jerome), бай америкалық бизнесменнің қызы болған.

Черчилль,1900 жыл

Әскери қызметін атқару барысында Черчилль Британия Үндістаны, Судан және екінші бур соғыстарында әскери қимылдарға қатысқан. Ол соғыс тілшісі ретінде және сол соғыстар туралы жазған кітаптары туралы кең танымалдылыққа ие болды. Ол қысқа уақыт бірінші дүниежүзілік соғыстың батыс майданында қызмет етіп, корольдық шотланд мылтықшыларының 6-шы батальонын да басқарған.

Саясатпен алпыс жыл дерлік айналысқан ол көптеген саяси және үкіметтік лауазымдарға ие болған. Бірінші дүниежүзілік соғысқа дейін ол 1905-1915 жылдары сауда комитетінің төрағасы, ішкі істер министрі, Адмиралтействоның (әскери-теңіз министрлігі) бірінші лорды қызметтерін атқарды. Соғыс кезінде сол бірінші лорд қызметін зор жеңіліс және сәтсіздікпен біткен Галлиполи операциясына дейін атқарды. Үкіметтен сол үшін кетуге мәжбүр болған Черчилль кейінірек қайтып келіп, әскери жабдықтар министрі, әскери министр, әскери әуе күштері министрі қызметтерімен айналысты. Екі дүниежүзілік соғыстың арасында ол консервативті үкіметтің құрамында қазынашылық канцлері болған.

Екінші дүниежүзілік соғыстың басталуымен Черчилль қайтадан адмиралтействоның бірінші лорды болып тағайындалды. 1940 жылғы мамырдың 10-да Невилл Чемберленнің отставкаға кетуімен ол премьер-министр болып тағайындалды. Оның жетекшілігіндегі Ұлыбритания соғыста Германия мен оның одақтастарын жеңе білді. Әрқашан өзінің шешендік өнерімен белгілі болған Черчилль сөйлеген сөздері арқылы британия халқына және одақтастар әскерлеріне зор рух беріп отырды.

1945 жылы болған сайлауда партиясы жеңілген Черчилль оппозиция жетекшісіне айналды. 1951 жылы ол қайтадан премьер-министр болып сайланып, 1955 жылы түбегейлі отставкаға кетті. Ол 1965 жылы қайтыс болып, мемлекеттік жерлеу рәсімімен жерленді. Оған көптеген елдерден мемлекеттік қайраткерлер келіп қатысып, Черчилльді соңғы сапарына шығарып салысты.

Таңдаулы шығармалары[өңдеу]

  • The Story of the Malakand Field Force, 1898
  • The River War, 1899
  • London to Ladysmith via Pretoria, 1900
  • Savrola, 1900
  • Ian Hamilton’s March, 1901
  • The World Crisis, 1921—1923 жж., 5 тт.
    • The Unknown War: The Eastern Front, 1931
  • My Early Life, 1930
  • Thoughts and Adventures, 1932
  • Great Contemporaries, 1937
  • Marlborough: His Life and Times, 1933—1938, 4 тт.
  • The Second World War, 1948—1954, 6 тт.
  • A History of the English-Speaking Peoples, 1956—1958
Ортаққорда бұған қатысты медиа файлдар бар: Category:Winston Churchill