Украина елтаңбасы

	Украинаның Кіші Елтаңбасы
Негізгі ақпараттар
Иелік етуші	Украина
Бекітілді	19 ақпан 1992
Қалқан	Ағылшын, көкшіл, жіңішке алтын жиекпен қоршалған
Басқа элементтер	алтын түсті үш ашалы айыр

Украина елтаңбасы (укр. Герб України) ішінде үш аралы айыр орналасқан қалқаннан тұрады. Ол ресми түрде Ұлы Володимир патша мемлекетінің эмблемасы және ауызекі тілде Тризуб (укр. Тризуб) деп аталады. Елтаңба тұңғыш Ұлы Киев кінәзі Володимир Святославич қолданған елтаңбаға негізделген.

Кіші Елтаңба ресми түрде 1992 жылы 19 ақпан күні қабылданды, Үлкен Елтаңбаның жасалуы конституция ережелерінде бар, алайда оның ресми дизайны әлі қабылданбаған. Кіші Елтаңбаның дизайнының авторлары Андрій Гречило, Олексій Кохан және Іван Турецький. Тризуб тағы Украина Президенттік штандартында бар. Украина Геральдика қоғамының айтуы бойынша тризубты көк түсте бейнелеу оның ережелеріне қарсы келеді.

1917 жылға дейін тризуб ұлттық рәміз болмаған, сол жылы украин тарихшысы Михайло Грушевський оны украиндардың рәмізі деп қабылдауды ұсынды. 1918 жылдың 25 ақпанында Орталық Рада (парламент) тризубты Украина Халық Республикасының мемлекеттік рәмізі қылып қабылдады.

1919–1991 жылдары Кеңес одағының заманында Украина елтаңбасы РКФСР мен КСРО елтаңбаларымен бірдей болды. Ол көтерілген күн үстіндегі орақ пен балғадан тұратын.

Ұлы Володимир қолданған елтаңба
Қазіргі елтаңбаның толық егжей-тегжейі
Тризубтың пропорциялары

Тризуб[өңдеу | қайнарын өңдеу]

Қазіргі үш ашалы айыр символы Украина Халық Республикасының елтаңбасы болғанда тұңғыш рет мемлекеттік рәміз ретінде қолданылды. Бұдан бұрын осы белгіні Киев Русінің және Рюриктер әулетінің символикасынан табуға болады.