Украина мен АҚШ арасындағы минералдық ресурстар жөніндегі келісім

Украина мен АҚШ арасындағы минералдық ресурстар жөніндегі келісім — 2025 жылдың ақпанында жарияланған келісім жобасы, онда америкалық компаниялардың Украинадағы минералдық ресурстарды бірлесіп пайдалануы қарастырылған. Украина Президенті Владимир Зеленский мен АҚШ Президенті Дональд Трамп украин жер қойнауындағы пайдалы қазбаларды, соның ішінде сирек кездесетін элементтерді бірлесе игеру жөнінде алдын ала келісім жасасты.^[1] Екі тараптың мәлімдемесіне сәйкес, бұл келісім екі ел арасындағы экономикалық ынтымақтастықты нығайтуға және Украинаны қалпына келтіруге инвестициялар тартуға бағытталған.^[2]

Алғышарттар

Украина литий, графит, марганец және титан кені сияқты пайдалы қазбалардың айтарлықтай қорына ие. Бұл ресурстардың көп бөлігі игерілмеген, ал кейбір кен орындары Ресей бақылауындағы аумақтарда орналасқан. 2024 жылдың қыркүйегінде Президент Зеленский АҚШ-қа осы ресурстарды игеруге қатысу туралы ұсыныс жасап, оны Ресейге қарсы қолдауды жалғастырумен байланыстырды. Президент Трамп бастапқыда америкалық көмек үшін 500 миллиард доллар талап етті, бірақ кейін бұл сома келісімнен алынып тасталды.^[3]

Зеленский мен Трамптың кездесуі (2025)

2025 жылғы 25 ақпанда Дональд Трамп Владимир Зеленскийдің 28 ақпанда келісімге қол қою үшін АҚШ-қа келуді жоспарлап отырғанын растады.^[4]

Зеленский мен Трамптың келіспеушілігі нәтижесінде келісімге қол қою тоқтатылды.^[5]

Тағы қараңыз

Дереккөздер

Сілтемелер

[1] Украина үкіметі АҚШ-пен ресурстық келісімді мақұлдады (қаз.).

[2] Украина мен АҚШ инвестициялық қор құру туралы келісімге келмек (қаз.).

[3] What minerals does Ukraine have — and can they be extracted? (ағыл.).

[4] BBC News | Русская служба.

[5] Ukraine latest: Trump says Zelenskyy disrespected US and can come back when he's ready for peace - as news conference cancelled (ағыл.).

[1]

[2]

[3]

[4]

[5]